Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs218

1265, 3 mai.

Type de document: Charte: accord.

Objet: Accord entre Jean [de Chalon], comte de Bourgogne et seigneur de Salins, et Clémence, veuve d'Oddon de Layer. Le comte recevra tous les ans une rente de 30 sous d'estevenants, à payer à la Saint-Etienne, en échange d'un droit de gîte qu'il disait lui revenir, sur les hommes de Dampierre, qui font partie de la chazdallye qu'elle tient de son mari, jadis héritier de Pierre de Layer.

Auteur: Non annoncé.

Sceau: [Simon], abbé de Rosières et Guillaume, doyen de Laon.

Bénéficiaire: Jean [de Chalon], comte de Bourgogne et seigneur de Salins, et Clémence, veuve d'Oddon de Layer.

Support: Parchemin jadis scellé sur double queue, 215x130. Acte attaché avec une analyse du XVIII^e siècle.

Lieu de conservation: AD Doubs, E 1210.

Verso: lettre de l'acort du giste de Dampierre et de Radevelle.

1 Sachent tuit cil qui verrunt ces letres 2 que, cum descort fust entre le noble baron J., conte de Borgogne \2 et segnor de Salins, d'une part, et dame Clemence, femme çay en arriers mon segnor Oddon de Laier, de Salins, \3 chevalier, por li et por ses enfanz qui doudit Oddon li sunt demorez, d'autre part, 3 quant de .I. giste que lidiz \4 cuens demandoit chascon an sus les homes de Dantpierre, en la chazdallye que ladite dame et sui enfanz \5 i tenoient de part ledit Oddon, hoir, çay en arriers mon segnor Perron de Laier, 4 tex acors est ve\6nuz entre les parties, c'est asavoir que ladite dame, por li et por sesdiz enfanz, non mie contrainte, mais \7 de sa bone volunté, ha volu, consenti et outroié et assis adit conte et ses hoirs, por ledit giste, trente \8 s. d'estevenens permanablement chascon an, à paier adite conte ou à ses hoirs ou à lor comande\9ment, à feste saint Estene de meissons. 5 Et lidiz cuens, por lui et por ses hoirs, ha quité à la\10dite dame et à ses diz enfanz ledit giste, permaignablement, por lesdiz trente sol.. 6 Et hunt promis \11 l'une partie à l'autre garder et tenir ledit acort loiament et à bone foi, et que encontre ne venrunt \12 ne sofrerunt que autres i vaigne, à lor pooir. 7 Et en tesmoignaige de ceste chose, nos,.. l'abbes de \13 Rosieres, et nos, Guillaumes, daiens de Lahon, à la proiere de l'une et de l'autre partie, havuns mis noz seas pen\14danz en cestes letres. 8 Ce fu fait le jor de l'envencion de la Croiz, l'an Nostre Segnor qui corroit \15 per .M. et .CC. et saxante et cinc.