Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs216

1265, 25 mars.

Type de document: Vidimus: réclamation^[a].

Objet: Réclamation par Haimon et Guiom de Chantenay de 100 livres d'estevenants à Alis, comtesse palatine de Bourgogne, qu'elle s'était engagée à leur payer à la place de son fils Othon, à leur faire parvenir par l'intermédiaire du porteur de la lettre. Suivie par une quittance donnée par Guiot de Aigueclars et Oienz de Mostier, à Alis et à Othon de Bourgogne, pour ces 100 livres d'estevenants, qu'ils ont reçues de leur part pour Haimon et Guiom de Chantenay.

Sceau: Hugues, abbé de Corneux; Jean, abbé de Saint-Paul de Besançon et Guiot.

Support: parchemin jadis scellé sur simple queue de deux sceaux, 165x90.

Lieu de conservation: AD Doubs, BTC 69-21.

1 Nos, Jehanz, abbes de Seim Pou de Beseçom, 2 façons savoir à touz ces qui verront ces presentes lattres, \2 3 que nos avons veu et lit diligammant les lattres ci desouz escrites, seines et entieres, seelees du seel \3 l'abbé de Cornuel, desouz tel forme:
4 À l'enoree dame Aelix, contesse palazine de Borgoigne, 5 messire \4 Haymes et messire Guiz de Chamthenay, frere, salut et amor. 6 Nos vos mandons et requerons, come \5 à nostre bone dame, que les deniers que vos nos avez acovancé à paier por Othenim, vostre fil, que \6 vos les nos enveiez, si vos plait, per lou portaour de ces lattres presentes, et nos nos tenons \7 por paié de ce que vos li bailleraiz. 7 Et pour ce que nos n'avons point de seel, nos avons fait saeler \8 ces lattres du seel à religious home Hugom, abbé de Cornuel. 8 Ce fu fait lou mardi aprés \9 de la Seint Marc, en l'an de l'incarnatiom Nostre Signor mil et .CC. et .LX. cinc.
9 Et façons savoir que, \10 per cette lattre, Guioz de Aigueclars et Oienz de Mostier, establiz en nostre presence, ai reconu \11 per devant nos que il ai receu çant lb., en deniés numbrez d'estevenans, de Alix, contesse pala\12tine de Borgoigne et de Othenim, sun fil, por les devandiz chevalier, mon signor Haymon et mom \13 signor Guiom. 10 En tesmoignaige de ces choses, nos avons mis nostre seel pandant en ces \14 lattres, avec leu seel à dit Guiot. 11 Et je, Guioz, ai mis mon seel avec leu seel à dit \15 abbé en ces lattres, en tesmoignaige de la receue des dites çant lb.. 12 Ces lattres furent faites \16 l'an de l'incarnatiom Nostre Signor mil .CC. et .LX. cinc, leu macredi aprés la Seint Marc.

Notes de fiche
^[a] Vidimus par Jean, abbé de Saint-Paul de Besançon, d'un acte du 2 mars 1265.