Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs211

1264, septembre.

Type de document: Charte: vente.

Objet: Vente par Etienne, dit Guastias, de Vincelle, à Gérard Prevoir, dit de Saint-Cille, d'un pré situé à Montigny[-lès-Arbois], pour cent sous d'estevenants.

Auteur: Etienne, dit Guastias, de Vincelle.

Sceau: Gui, prieur d'Arbois.

Bénéficiaire: Gérard Prevoir, dit de Saint-Cille.

Support: Parchemin scellé sur double queue, 215x110.

Lieu de conservation: AD Doubs, 67 H 290.

Verso: De Estene Gastias. Datum est pratum illis de Sancto Paulo in ellemosina a domino Girardo de Changins. Montagne. Achapt fait par un prieur de Saint Paul, nommé Girard, d'un pré au lieu de Montigny apartenant lors à Estevenin dit Gastias, de Vacelle, pour le prix et somme de cent livcres d'estevenants, en l'an mille dous cens soixante quatre.

1 Saichent tuit cil qui verrunt et orunt ces presentes lectres 2 que Estevenins, diz \2 Guastias, de Vacelle, hay vendu et houtroyé et quité permainablement et frainchement \3 mom signour Girar Prevoire, dit de Sainz Cille, et à ses hoiers, 3 hunc pré, li quel est \4 assis hou territoyre de Montaigné, soste lou pré Vuiber, à Val pres de la grainge de Veluvel, \5 por lou pris de cent soz d'estevenens, desqués li diz Esteignes se tint por paiez dou tout en \6 tout, hen bons deniers nombrez, 4 et doudit pré s'est devestuz, et lou dit Prevoyre hen hay en\7vestu, por luy et por les suens, et hay promis adit Prevoyre lidiz Esteignes, par sa foy don\8nee corporelment, garandir lou dit pré et à ses hoiers, et que il contre ceste vendue ne hira, \9 ne consentra à venir, ne par luy, ne par atruy, ne hen suiement, ne fors jujement, por quoy li \10 dicte vendue peut estre henpegié, ne deust. 5 Et por çou que çou soit croyable chosse et \11 estable, nos, Guis, humiles priour d'Arbois, avons mis nostre seel en ces presentes lectres, \12 à la requesta des parthies. 6 Enc l'an qui coroit per mil et deus cenz et sexante quatre, \13 hou mois de septenbre.