Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs191

1263, juin ou juillet.

Type de document: Charte: vente.

Objet: Vente par Guillama, femme de Pierre, de Goailles, au couvent du Mont Sainte-Marie, pour trente sous d'estevenants, de 12 sous de cens à percevoir sur une vigne que le couvent a achetée à Gérard Maste, frère de Guillama.

Auteur: Guillama, femme de Pierre, de Goailles.

Sceau: Wachier, abbé de Goailles.

Bénéficiaire: Le couvent du Mont Sainte-Marie.

Autres Acteurs: Gérard Maste, frère de Guillama.

Support: Parchemin jadis scellé sur double queue, 265x180.

Lieu de conservation: AD Doubs, 64 H 319.

Verso: Salins. Acquisition de deux soubz de cens sur une vuigne touchant la terre de l'ospital et la vuigne maistre P. Aruillart de la femme et enffanz de Perrin de Goille et de Gerard Maste.

1 Saichent tuit cil qui verrunt ces presentes lettres 2 que je, Guillama, feme Perrum de Goile, çai en arriers suers Girart Maste, per le \2 leux et per le consentement à dit Perrum, mom mariz, de Girart, Barom, Henri et Nicholet mes enfanz et de Marium ma fille, 3 hai venduz \3 et otroié et quité permegnablement à relious homes,.. à l'abbé et à covent du Mont Sainte Marie, de l'ordre de Cistiaus, 4 doux souz censas que je devoie \4 havoir chascune annee en la vigne que li devant dit.. abbes et covent hont achité dudit Girart Maste, mon frere, laquel vigne siet juste la \5 terre de l'ospital d'une part et d'autre part joste la vigne à Ruillar ^[1] mestre P. Aruillart, 5 por trente souz d'estevenens, lesqués je \6 hai receu en deniers nombrez du devant dit.. abbé et convent. 6 Et se ansi estoit que lidit doux souz censeas valissant plus de \7 trente souz, je hai doné et otroié en pure et perpetual amogne, por le remede de m'ame, et de l'ame mon pere et ma mere, et de mes \8 ancessor,.. à dit abbé et dit covent le sureplus et ce qu'il varoient plus. 7 Et nos, lidit Pierres, mariz à ladite Guillama, et Girart, \9 Barun, Henriz et Nicholet et Marium, enfanz à ladite Guillama, otroions et consentons et volons ceste vendue et ceste amogne, ansi come \10 ele est faite, et prometons tuit ensamble à dit.. abbé et à dit covent que nos ne vendrons ne farons venir par autrui, dors ci en avant, \11 contre ladite vendue, ne contre ladite amogne, et que nos la guarandirons et mantindrons à dit.. abbé et à dit covent contre \12 totes genz. 8 En tesmognaige de laquel chose, nos, Wachier, abbes de Goile, de l'ordre saint Augustin, à la proiere et à la requeste \13 des devant dites parties dessus nommees, havons mis nostre seel pendant es presentes lettres. 9 Ce fu fait l'an Nostre Segnor \14 qui corroit per mil et .CC. et sexante trois, ou moys de jugnet.

Notes de transcription
^[1] àRuillarbarré