Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs169

1262, 19 mars (n. st.).

Type de document: Charte: prise en fief.

Objet: Prise en fief par Thierri, comte de Montbéliard, de son oncle Jean, comte de Bourgogne et seigneur de Salins, de 350 livrées de rente en estevenants sur son puits de Salins qui, après la mort de Jean, seront tenues d'Hugues, comte palatin de Bourgogne.

Auteur: Thierri, comte de Montbéliard.

Sceau: Thierri, comte de Montbéliard.

Bénéficiaire: Jean, comte de Bourgogne et seigneur de Salins.

Autres Acteurs: Hugues, comte palatin de Bourgogne.

Support: Parchemin scellé sur double queue, sceau de cire jaune. 240x140.

Lieu de conservation: AD Doubs, BTC 227-2.

Verso: Lettres contenant que le comtes de Bourgogne donast à comte de Montbeliard III C lb. de terre sur la saline.

1 Nos, Thierris, cuens de Montbeliart, 2 faisuns savoir à toz cex qui verrunt ces presentes letres 3 que li no\2bles bers Jahans, cuens de Bergoigne et sires de Salins, nostre oncles, nos ha doné et otraié permaignablement, à nos \3 et à nos hooirs, en fié et en chasement, 4 trois cenz et cinquante livrees de rente à estevenens en son pooiz de Salins, à pren\4dre et à recevoir chascun an à quatre termines, c'est à savoir le mecredi aprés la Pentecoste cent livres, le mecredi aprés \5 la exaltatiun sainte Croiz qui est en vasnanges cent livres, le mecredi qui est aprés feste sainte Lucie cent livres et \6 le mecredi aprés les Bordes cinquante livres, à ices termines sunt à paier (sunt à paier) chascun an toz jors mais. 5 Et de cest \7 fié nos sumes entré en l'omage le dit conte nostre omcle si prochaim cum nos l'avons pou faire sainz meffaire. 6 Et est asa\8voir que, aprés le decés nostre oncle devantdit, cis diz fiez doit venir en acroissement dou fié que nos ou nostre hooir tenuns ou \9 devons tenir dou noble barun Hugun conte de Bergoigne palatin, de lui et de ses hooirs ligement. 7 Et, por ces choses, \10 nos havons quitté permaignablement ledit Jahan, nostre omcle, de toz droiz, et de totes quereles, et de totes greuses et de \11 totes autres choses que nos poiens ou deviens quereler contre lui et encontre toz ses hooirs por raisun de lui, tant que à \12 jor de la confectium de ces letres, 8 et avons promis à bone foi à nostre omcle devantdit que nos ne venrons encontre les \13 dites convenances, ne contre ladite quittance por nos ne por nos hooirs. 9 En tesmoignage de laquel chose nos havons saelé ces \14 presentes letres de nostre sael. 10 Ce fu fait l'an Nostre Seignor mil et .CC. et sexante et un, le diemainche aprés mi-caroime.