Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs165

1261, octobre^[a].

Type de document: Vidimus: donation en fief^[b].

Objet: Don en fief, par Jean de Chalon, seigneur de Rochefort, et sa femme Isabelle, comtesse de Vienne, à Etienne de Montmirey, d'une pièce de terre située près de Rochefort, à Abbenans, et de leurs hommes et terres d'Abbenans. Ils renoncent à toutes les redevances qu'ils pouvaient percevoir sur ces hommes et promettent de ne pas les retenir dans leur franchise de Rochefort.

Auteur: Jean de Chalon, seigneur de Rochefort, et sa femme Isabelle, comtesse de Vienne.

Sceau: Sceaux du vidimus: Philippe, seigneur de Ferres, et Jacques, curé de Rahon. Sceaux de l'acte vidimé: Jean de Chalon, seigneur de Rochefort, et sa femme Isabelle, comtesse de Vienne.

Bénéficiaire: Etienne de Montmirey.

Support: Parchemin jadis scellé de deux sceaux sur simple queue, 210x170.

Lieu de conservation: AD Doubs, BTC 396-10.

1 Je, Phelipes, sire ^[1] de Ferres, chevaliers, et je, Jaques, curiés de Raons, 2 faisons savoir à toz ces qui \2 verrunt et orrunt ces presantes lattres 3 que nos avons vaües lattres seinnes et anteres, non seas \3 cassees et non chancelees, 4 des queles li teneur est tele an tesmoinnaige de la quele chose \4 nos avouns mis noz seyaux.
5 Je, Jehans, fiz à noble barom Jehans, conte de Borgoinne et \5 sire ^[2] de Salins, et je, Ysebel, comtosse de Vianne, famme à icelui Jeham, 6 façons savoir à toz \6 ces qui verrunt et orrunt ces presantes 7 que nos avons doné et outreier perduraublemant, à tot \7 mais, an fyé et an chasemant, à nostre amé chevalier et à nostre feiaul mon Hestevenon de Mon Myrei \8 et à ces hors, 8 une piece de prés, an la preerie de Roichefort ou prés que l'om dit Em\9brul, la quele piece tient d'anvirom quatre fanz, per ansinc comme elle est partie et devisee \10 danz les benes, et hommes, et més, et terres qui sient à Avonnes devant Roichefort, ceu est \11 à-savoir Perrenot Faisele, Perrenot de Gy et som percenier Perrenot lou Burgon, et Amiot \12 som frere, Hestevenont lou Feienet, Perrom et som percenier d'Avannans, et les més, et les terres, et \13 les prez es devanzdiz hommes, et totes les apartennances et les espandises de més es hommes \14 devanzdiz. 9 Et voluns et outroions, un chacuns de nos, an partie et an tot, que li devanzdiz hommes \15 aient tez usaiges et tez terroches, il et lour hoirs à tot jorz mais, es terres, es prez et es bos\16chaiges et es riveres comme li autres hommes d'Avannans, et comme il ont çai jusque orandrot, \17 et es parineges et es autres chosses, por toz luis, et qui peusint marier lour et lour anfanz, \18 per ansinc comme il ont fait çai enn arries, san çou que nos, ne nostres hoirs, ne povons, ne devons \19 riens requere ne demander es diz hommes, ne droiture nule, ne corvee, ne justise, ne \20 amande, petite ne grant, ne autre chose queque elle soit. 10 Et prometons an bone foy que nos \21 les diz hommes et lour hoirs garderons, sauverons et garantirons contre totes genz, \22 audit Estevenom, chevalier, et à ces hors, biem et leyaulmant, comme nostre fié, et ne povons \23 ne devons lesdiz hommes retenir an nostre franchisse ^[3] de Roichefort. 11 Et ces choses \24 convenances devantdictes sumes nos tenuz et prometons chacuns per tot tenir et garder, \25 an bone foy à tot jorz mais. 12 Et an tesmoinnaige de ceste chose, nos avon mis noz seyaux en \26 ces presentes, 13 et çou fuit faiz l'an de li emcarnaciom Nostre Seygnor de mil et .II^c. soisante et \27 .I., ou mois de octambre.

Notes de fiche
^[a] Date de l'acte vidimé. La date du vidimus n'est pas annoncée.
^[b] Vidimus par Philippe, seigneur de Ferres, et Jacques, curé de Rahon, d'un acte d'octobre 1261.

Notes de transcription
^[1] Ou: seigneur?
^[2] Ou: seigneur?
^[3] Ou: preerie clusse? voir n^o 259 Valclusse.