Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs130

1259, 27 juillet.

Type de document: Charte: restitution.

Objet: Restitution au chapitre de Besançon par Jean, comte de Bourgogne, du Mont de Pouilley sur lequel lui et son fils Hugues, comte palatin de Bourgogne, ont édifié un château qu'ils ont dû abattre après l'intervention de [Louis IX], roi de France, qui leur a envoyé l'abbé de Cîteaux. En dédommagement des préjudices causés lors de l'édification du château, qui ont été estimés devant trois arbitres par les chanoines et leurs hommes à trois cent quarante livres d'estevenants, le comte Jean donne à l'église de Besançon une rente annuelle de dix‑sept livrées – monnaie estevenante – sur la saline de Salins, qui pourra être rachetée avant un an et un jour moyennant trois cent quarante livres d'estevenants.

Auteur: Jean, comte de Bourgogne.

Sceau: Guillaume [de La Tour‑Saint‑Quentin], archevêque de Besançon, et Jean, comte de Bourgogne.

Bénéficiaire: Chapitre de Besançon.

Autres Acteurs: Hugues, comte palatin de Bourgogne; [Louis IX], roi de France; l'abbé de Cîteaux.

Support: Parchemin jadis scellé de deux sceaux sur double queue.

Lieu de conservation: AD Doubs, G 415 (Chapitre métropolitain).

Édition antérieure: M. Lefèvre, 1975, Les plus anciennes chartes en langue française conservées dans le département du Doubs, n^o 129.

Verso: De emenda castri de Poilley XVII lb. annui redditus in puteo Salinensi (XIV^e s.).

1 Nos, Jeanz, cuens de Borgoigne et sires de Salyns, 2 façons à savoir à toz ces qui verront ces presentes latres 3 que, come li chapitres de Besençon fust \2 à nos en descort por acuyson d'un chatial que nos et nos janz et nostre fiz Hugues, cuens palazins de Borgoigne, et ses janz aviens fermé ou \3 Mont de Poyllé pres de Besençon, 4 nos, per la proyere et per la volunté lo roi de France qui nos envoia l'abbé de Citias, avons lou devant dit chatiau abatu \4 et avons lou devant dit Mont de Poyllé randu et restabli à chapitre, por ce que li chapitres l'ait et tiegne ensi delivre et en tel franchise come \5 il lo teignoit devant ço que nos i fermessyenz lo chatiau. 5 Aprés, por les chatés, les domaiges et deperdes que nos et nostre fiz li devant diz \6 cuens et nos janz aviens pris et fait en la terre es homes de l'einglese de Besençon en fermant et por fermer lou devant dit chatiau ou Mont \7 de Poyllé, lesqués domayges, chatés et deperdes li chenoine et li home de ladite eglise ont prové et assomé .XVII^xx. lb. d'estevenans per devant \8 trois prodomes qui ont receu les prueves per nostre acort et per la lor, ço est à savoir Perron d'Erlay, trexorier, monsire Henri de \9 Ceys, chantor, maistre Richar de Valgrenant, maistre escole de Besençon, nos amis et nos foyaus, 6 nos aseons permeygnablemant à ladite eglise de \10 Besençon .XVII. levrees de rante à estevenans en nostre puys et en nostre muyre de Salyns, à panre et recivre et à payer chacun an ou moys \11 de oust à devant dit chapitre ou à son certen messaige en deniers nombrez; 7 et de ceste assise tenir et emplir et randre chacun an per ensi come il est \12 devant dit nos enloions nos et noz hoirs permeygnablemant, et especiamant ces qui tendront lou puys et la muyre devant diz et qui tendront \13 ou prandront come nostre hoir, quique raison qui soit de partayge ou puys et en la muyre devant diz. 8 Et se nos ou li nostre voleons \14 rachater du chapitre dedanz an et jor les .XVII. levrees de rante de_sus nommees, li chapitres doit panre les .XVII^xx. lb. devant dites \15 et nos sauriens quite, nos et nostre hoir, de les .XVII. lb. de rante de_sus nommees. 9 Et promatons loiamant et en bone foi, por nos et por \16 nos hoirs, que nos n'irons en_contre ces choses devant dites, per nos ne per atruy. 10 Et por ço que ço soi ferme chose et estable, nos \17 avons fait à metre lou sael nostre honorable pere et seygnor Guillame, per la grace de Deu arcevesque de Besençon, auveques nostre sael \18 en ces presentes letres. 11 Ço fu fait en l'an nostre Seygnor qui cort per mil et douz çanz et cinquante nuef, lo diemanche aprés la Mazeloynne.