Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs124

1259, 15 avril.

Type de document: Charte: accord.

Objet: Accord entre Hugues, comte palatin de Bourgogne, et Alis, sa femme, d'une part, et Hugues, comte de Vienne, seigneur de Pagny, d'autre part, aux termes duquel, en contrepartie de deux mille livres d'estevenants qu'ils prêtent au comte de Vienne, Hugues et Alis tiendront pendant trois ans de plus que prévu Saint-Aubin et Aumur que le comte de Vienne doit donner à son fils Philippe et à Agnès, fille du comte de Bourgogne, à l'occasion de leur mariage. Si le comte de Vienne manque à l'un des paiements, Hugues et Alis tiendront Saint‑Aubin et Aumur un an de plus. Si le mariage n'a pas lieu à cause de la mort de Philippe ou d'Agnès ou si le présent accord n'est pas respecté à cause de ceux-ci, Hugues et Alis ne seront pas tenus de donner au comte de Vienne les cinq cents livres d'estevenants et les cinquante livrées de terre – monnaie estevenante – qu'ils lui doivent pour son hommage.

Auteur: Hugues, comte palatin de Bourgogne, et Alis, sa femme.

Sceau: Hugues, comte palatin de Bourgogne, et Alis, sa femme.

Bénéficiaire: Hugues, comte de Vienne, seigneur de Pagny.

Autres Acteurs: Philippe, fils de Hugues, comte de Vienne, seigneur de Pagny, et Agnès, fille du comte de Bourgogne.

Support: Parchemin jadis scellé de deux sceaux sur double queue.

Lieu de conservation: AD Doubs, B 400.

Édition antérieure: J. Gauthier, 1908, Cartulaire des comtes de Bourgogne, n^o CXVI, p. 110; M. Lefèvre, 1975, Les plus anciennes chartes en langue française conservées dans le département du Doubs, n^o 123.

Verso: Convenances du conte Hugue et de la contesse Alis et de Agnés, leur file, et de Hugon, conte de Vienne (XIV^e s.).

1 Nos, Hugues, cuens palazins, et Aalis, contesse palatine de Borgoigne, 2 faisons savoir à touz ces qui verrunt et orrunt ces letres \2 3 que, cum mariaiges ait esté ordenez et outroiiez de Agnel, nostre fille, et de Phelippe, fil à nouble baron Hugum, conte de Vianne, seignor de Paigné, \3 nostre feiaul et nostre ami, por la raison douquel mariaige cil Phelippes et cele Agnex doivent avoir Saint Albin et Haumur et les appertenances dois \4 un termine en avant qui est devisez et assenez as letres qui doudit mariaige sunt faites et seelees, 4 que entre nos et le devant dit conte de Vianne \5 avons puis fait un acort aviac le premier, por lequel nos davons tenir Saint Albin et Haumur et les appertenances trois anz outre le termine qui est \6 devisez et assenez as letres doudit mariaige; 5 et nos davons prester does mile lb. de estevenans à celui conte de Vianne en deniers contanz, ce est à savoir \7 mil lb. à ceste Penthecoste proichainnemant venant et les autres mil lb. à la feste saint Remi proichainnemant ensigant; 6 et ces does mile \8 lb. de estevenans cil cuens de Vianne nos doit randre et paiier por quatre termines, ce est à savoir cinc cenz lb. de la proichainne feste saint Remi \9 en un an, et à l'autre feste saint Remi aprés cinc cenz lb. et ainsi chascun an à feste saint Remi cinc cenz lb., tant que ces does mile lb. \10 de estevenans nos soient entieremant paiiés. 7 Et est encor à savoir que, se il avenoit chouse que cil cuens de Vianne nos faillast dou premier \11 paiemant ou de l'un des autres, por chascun termine que il nos faudroit, quarante jors aprés chascune feste saint Remi en que il nos doit \12 ces paiemanz faire, nos tenriens Saint Albin et Haumur et les appertenances un an aviac les trois annees devant nummees et por ce mains \13 ne charroit rien de la soume que il nos davroit. 8 Ensurquetout, nos avons encor acordé et outroiief que, se il avenoit chouse que por deffaute \14 de vie ou por autre encombremant, don Deux nos gart, ne fust mariaiges celebrez entre le devant dit Phelippe et Agnel, nostre fille, \15 ou se il avenoit chouse que ces covenances qui ci devant sunt escriptes, lesqueles cil cuens de Vianne ay promises siegre et tenir fermemant, fussent \16 encombrees ou destorbees por le contredit de celui Phelippe et Agnel, nostre fille, ou por raison que il i demandassent, nos, devant dit cuens et contesse \17 de Borgoigne, ne davons estre tenu envers celui conte de Vianne de paiier cinc cenz lb. de estevenans en deniers ne de assoioir à lui cinquante livrees de terre à \18 estevenans que nos li davons por la raison de l'oumaige que il nos fist, tout ansi cum il est contenu et devisef as devant dites letres qui sunt faites dou \19 mariaige à devant dit Phelippe et à la devant dite Agnel, nostre fille; 9 mes por les doumaiges que nos avriens por ce, cil cuens de Vianne \20 en non de poinne nos quite entieremant, se il deffaut des paiemanz as termines qui mis i sunt, desdites cinc cenz lb. et des cinquante livrees \21 de terre; 10 et por ce il n'en iert mains tenuz et il et li suen envers nos de l'oumaige et de la feaulté que il nos ay faite et de tenir de nos les \22 fiez que il an ay pris et de randre et paiier aviac à nos les does mile lb. de estevenans devant nummees. 11 Et en tesmoign de ces chouses, nos, \23 devant dit cuens et contesse de Borgoigne, avons mis nos seiaux à ces letres que nos voluns que cil cuens de Vianne ait, 12 qui furent faites \24 le mardi aprés Pasques, en l'annee de l'incarnation nostre Seignor mil et dous cenz et cinquante et nuef.