Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs112a

1258, mai.

Type de document: Charte: promesse.

Objet: Promesse faite à Hugues, comte palatin de Bourgogne, et à Alis, sa femme, par Mathieu, seigneur de Longwy, de payer aux termes fixés à Bonanfant, Juif d'Auxonne, huit cents livres d'estevenants pour lesquelles Hugues et Alis ont donné leur caution, et de les indemniser des dépenses qu'ils pourraient faire à cause de cette caution. En garantie, Mathieu met en la main du comte et de la comtesse le fief qu'il tient d'eux, c'est-à-dire Moussières, Bretenières et Tassenières, ainsi que tous ses autres biens.

Auteur: Mathieu, seigneur de Longwy

Sceau: Guillaume [de La Tour‑Saint‑Quentin], archevêque de Besançon, et Mathieu, seigneur de Longwy.

Bénéficiaire: Hugues, comte palatin de Bourgogne, et Alis, sa femme.

Autres Acteurs: Bonanfant, Juif d'Auxonne.

Support: Parchemin jadis scellé de deux sceaux sur double queue. À droite subsiste le sceau rond, de cire blanche, de Mathieu, seigneur de Longwy. Contre‑sceau (J. Gauthier, 1908, Cartulaire des comtes de Bourgogne, p. 94, n. 4).

Lieu de conservation: AD Doubs, B 474 (Les Moussières).

Édition antérieure: M. Lefèvre, 1975, Les plus anciennes chartes en langue française conservées dans le département du Doubs, n^o 111.

Verso: Copia fit (début XIV^e s.). Du fié de Messeres, de Brotenere et de Taixoneres (XIV^e s.)

1 Je, Mathex, sires de Lonvil, 2 fais savoir à toz cex qui verront et orront cex presentes latres 3 que per ma priere et per ma requeste li \2 nobles berz Hugues, cuens palazins de Borguoigne, mes sires, et la noble dame Alis, contesse palazine de Borguoigne, sa feme et ma dame, sont \3 tenu dator por moi et ont por moi promis rendre au Bon Anfant, Juif d'Assone, huit cenz livres d'estevenans em deniers companz ou em guages \4 sofisanz à termes ci desoz nommez, c'est à savoir dois la feste saint Remey prochainemant venant em un ant dous cenz livres d'estevenans em deniers com\5panz ou em guages sofisanz et à chescune feste saint Remey contenuemant emsiguant dous cenz livres, tant que lesdites huit cenz livres soyent \6 payés entieremant em deniers companz ou em guages sofisanz. 4 Et je ai promis, per mon sairemant fait corporelmant em sainte eglise sor saint Euvangile, \7 au conte et à la contesse devandiz come à mom bom seignor et à ma bone dame, que je as termes devandiz payerai ou ferai payer por lor audit \8 Bonanfant, por la date dont il li sont tenu por moi, la devandite some qui est establie à payer à chescum terme et tant ferai à chescum terme que il seront \9 quite de la some d'um chescum terme et latres sofisanz de lor aquitance lor envoyerai à chescum terme ou ge lor feroye changier lor latres qu'il ont bailliés \10 et il feroyent latres de menor some selonc ce que payé em seroit. 5 Et avec ce, je lor ai promis, per lodit sairemant que je lor ai fait, que je lor perdes \11 et lor deperdes lor rendrai et restorerai et les garderai de toz les domages qui lor avendront et que il sostenront por aquisom des devandites promesses \12 et des covenances que il ont fait au Bonanfant por moi; 6 et de lor perdes, de lor deperdes et des domages que il diront que il em avront sostenu je les em croi\13rai per la simple parole d'ax ou de l'um de lor, senz prueve et senz seiremant; 7 et oncor avec, por lor plus asseurer de lor miauz garder de domage, lor \14 em ai je emloyé de tot et mis em lor maim lo fief que je tiem de lor, c'est à savoir Mosseres, Bretonere et Tessoneres et les apandises et quant que à cest fi\15ef partient et desvestuz m'em suy per inssi et envestuz les em ai; 8 et oncor avec, lor em ai emloyé toz mes autres biens, em quelque leu que il soyent, si \16 que il, se je defailloye as choses devandites ou em tot ou em partie, se puissent joïr et de lor fief et des issues et de mes autres biens de cele part que \17 miauz lor plaira, tant que mes defautes soyent radraciés et acomplies et les .VIII^c. lb. por les termes establiz payés et lor domage et lor perdes et lor \18 deperdes rendues de tot em tot et restorees; 9 et inssi com ces choses sont avant devisees lor ai promis faire per lo sairemant que ge em ai fait et que \19 encontre n'em irai, per moi ne per autruy; 10 et ay renoncié à tote aide de droit et à tot benefit que me i poïst profaitier. 11 Et em tes\20moignage de cex choses et por ce que eles soyent plus estables ai je fait seeler les presentes latres do seel au redoté \21 pere Willaume, per la grace de Deu arcevesque de Besençom, et do miem propre seel. 12 Ce fu fait el mois de may, \22 l'ant de l'inquarnatiom Jhesu Crist mil .CC. et cinquante et huit.