Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs068

1255, août.

Type de document: Charte: vente.

Objet: Vente à Hugues, comte palatin de Bourgogne, et à Alis, sa femme, par Jannin de Montferrand et par Fauconat, son fils, moyennant 1200 livres d'estevenants, de Grandfontaine, «Chevannay» et Velesmes. Hugues et Alis ont acquitté les 1200 livres, mais Jannin et Fauconat leur en ont rendu 200, car ils tenaient ces biens d'eux en fief.

Auteur: Jannin de Montferrand et par Fauconat, son fils.

Sceau: Guillaume [de la Tour Saint-Quentin], archevêque de Besançon, et [Hugues de Chenecey], abbé de Saint-Vincent de Besançon.

Bénéficiaire: Hugues, comte palatin de Bourgogne, et Alis, sa femme.

Support: Parchemin jadis scellé de deux sceaux sur double queue. À gauche, subsiste le sceau en navette, de cire blanche, de Guillaume de la Tour Saint-Quentin, archevêque de Besançon (J. Gauthier, Inventaire des sceaux des archevêques de Besançon, n^o 18 et 19).

Lieu de conservation: AD Doubs, B 453.

Édition antérieure: J. Gauthier, 1908, Cartulaire des comtes de Bourgogne, n^o LXIX, p. 67; M. Lefèvre, 1975, Les plus anciennes chartes en langue française conservées dans le département du Doubs, n^o 67.

Verso: Facta est copia sub sigillo Castelleti Parisiensis (début XIV^e s.). L'acquest de terre de Grant Fontayne, de Chavanna[y], de Veloyne et des appartenances (XIV^e s.). Sur le repli: fit (début XIV^e s.).

1 Je, Jannins de Momfarrant, qui fuy fiz Jehant, çay en arriers seignor de Momfarrant, et je, Fauconaz, fiz d'icestuy Jannim, 2 façons savoir à toz \2 cex qui verront ces presentes latres 3 que nos avons vandu, outroyé et doné au noble barom Hugom, conte palazim de Borgoigne, et à la noble \3 Alis, contesse palazine de Borgoigne, sa feme, por mil et dous cenz livres d'estevenans, 4 Grantfontaine, Chevannay et Veleme et totes \4 les choses de cex leus et d'inqui entor, inssi com eles nos demorarent do devandit seignor de Momfarrant, et quant que nos y aviens et deviens \5 avoir as dites viles et as finages et as apandises et inqui entor en homes, em femmes, en anfanz et em lor tenemanz et em chans et em prez, \6 en bois, en aigues et em decors d'aigues et em pescheries, em fors, em molins, em lois, en amandes, em fiez, em chasemanz, em totes censses, \7 em totes possessions, em toz proages et em toz benefiz; 5 et de totes ces choses vandues nos suemes desvesti et les em avons mis en corporel posses\8siom. 6 Et s'est à savoir que il des mil et .CC. livres nos ont fait nostre payemant et planiere satisfatiom, em tel maniere que nos les dous \9 cenz livres lor avons quité, doné et lessié, por ce que ces choses vandues estoyent de lor fief et de lor les teniens et tenir les en deviens; et les mil livres \10 nos avons receu de lor em bons deniers nomorez et porpayez nos em tenons et quité les em avons 7 et avons promis por nos et por noz hoirs, per noz sairemanz \11 faiz corporelmant sor saint Euvangile, que nos totes ces choses vandues lor garantirons, lor et à-lor-hoirs, permaignablemant, en toz leux et contre tote jent, \12 et que nos contre ceste vandue ne vanrons per nos ne per autruy, ne en ces choses vandues ne en aucune d'iceles aucun droit ne reclamerons \13 ne ferons reclamer; et avons renoncié sor lo dit sairemant à tote exceptiom de pecune que ne nos soit nombree et à tote exceptiom de petit pris \14 et qui ne nos ait durié et qui ne soit tornez em nostre profit et à tote autre aide de droit et à-tot benefit qui nos poïst profaitier em ceste partie. \15 8 Et ceste vandue et totes ces choses devandites a loé et outroyé Jannins, fiz de moi devandit Jannim, et a promis per som sairemant que il n'en \16 ira encontre per luy ne per autruy. 9 Et el tesmoignage de ces choses et por ce que ce soit plus estable, je, Jannins, et je, Fauconaz, ses \17 fiz, avons fait seeler les presentes latres do seel au redoté pere Willaume, per la grace de Deu arcevesque de Besençom, et do seel au religious \18 abel de Saint Vincent de Besençom. 10 Ce fu fait l'ant de l'Incarnatiom Jhesu-Crist mil .CC. et cinquante et cinc, el mois de aost.