Téléchargement du document

Documents linguistiques galloromans
Corpus : (chDoubs)
Responsable du corpus : Martin Glessgen
Édition de la charte : -

chDoubs035

1253, août.

Type de document: Charte: vente.

Objet: Vente à Hugues, comte palatin de Bourgogne, et à Alis, sa femme, par Philippe de Montaigu, et par Flora, sa femme, moyennant 2000 livres d'estevenants, de la moitié de Port[-sur-Saône], du château, de la «ville» et de ses dépendances.

Auteur: Philippe de Montaigu, et Flora, sa femme.

Sceau: Philippe de Montaigu, et Flora, sa femme.

Bénéficiaire: Hugues, comte palatin de Bourgogne, et Alis, sa femme.

Support: Parchemin scellé de deux sceaux sur double queue; celui de Flora d'Antigny, à droite, de cire blanche, en forme de navette, subsiste presque entièrement (J. Gauthier, 1908, Cartulaire des comtes de Bourgogne, p. 44, n. 1).

Lieu de conservation: AD Doubs, B 391 (Port-sur-Saône).

Édition antérieure: J. Gauthier, 1908, Cartulaire des comtes de Bourgogne, n^o XLI, p. 43; M. Lefèvre, 1975, Les plus anciennes chartes en langue française conservées dans le département du Doubs, n^o 35.

Verso: Acquest de la moytié de Port, du chastel et de la ville por .II.^M l. (XIV^e s.). Sur le repli: Fit (début XIV^e s.).

1 Je, Phelipes de Montagu, li fiz mom sire Oedom, çay en arriers seignor de Montagu, et je, Floraz, feme de cestui Phelipe, la fille mom si Philipe, çay \2 en arriers seignor de Anteigné, 2 façons savoir à toz ces qui verront ces presentes latres 3 que nos avons vandu, doné et outroyé permaignablemant \3 au noble barom Hugom, conte palazim de Borguoigne, et à la noble dame Alis, contesse palazine de Borguoigne, sa feme, 4 por dous mile livres d'este\4venans que il nos ont payez em deniers nombrez et des quex nos nos tenons por payez, la moitié de Port, do chestel et de la vile et des apandises \5 et quant que nos y aviens et deviens avoir et quant que nos y teniens et deviens tenir de lor em fief et em chasemant, em homes, em femmes, en an\6fanz, en maisons, en tenemanz, em chans, em prez, em bois, en aigues, em pescheries, em jostise, em lois, en amandes, en toz proages, em toz benefiz et \7 em totes possessions, et nos em suemes desvesti et les en avons envestiz et mis em corporel possessiom. 5 Et avons pornoncié em ceste vandue que ces choses \8 que nos avons vandues sont quites et delivres et que nos n'en avons emloyé aucune d'iceles ne vandues ne donees. 6 Et lor avons promis, por nos et por \9 noz hoirs, ces choses vandues à garantir, lor et à lor hoirs, tot adés et em toz leus, contre tote jent. 7 Et avons promis, per nostre sairemant fait corporel\10mant sor saint Evangile, que nos encontre ceste vandue ne vanrons per nos ne per autruy. 8 Et avons renoncie à tote exceptiom de menor pris et de \11 pecune que ne nos ait durié et qui ne soit tornee em nostre profit et qui ne nos soit paye ne nombree, et à tote aide de droit et à tot benefit qui \12 soit escrit, et à toz hus et à totes escostumances qui nos puissent profaitier em ceste partie. 9 Et em tesmoignage de ces choses et por ce que \13 ce soit chose estable avons nos fait seeler les presentes latres de noz seelx. 10 Ce fu fait em l'ant dois l'Incarnatiom Jhesu \14 Crist qui corroit per mil et dous cenz et cinquante et trois, el mois d'aost.