Téléchargement du document

Documents linguistiques galloromans
Corpus : chOccAnc5 (chOccAnc5)
Responsable du corpus : Martin Glessgen
Édition de la charte : C. Brunel

chOccAnc514

1195

Type de document: Charte: donation.

Objet: Don aux frères du Temple par Marie du Bès et Peironelle sa fille, de leurs droits sur un mas au Bès acquis par lesdits frères de Raimon Ricart de Cornuz.

Auteur: Marie du Bès et Peironelle, sa fille.

Bénéficiaire: Les frères du Temple.

Lieu de conservation: Archives départementales de la Haute-Garonne, Ordre de Malte, grand prieuré de Saint-Gilles, commanderie de Sainte-Eulalie (cant. de Cornus, arr. de Saint-Affrique), Mas du Bès, pièce 5.

Édition antérieure: C. Brunel, Les plus anciennes chartes en langue provençale. Supplément (Paris, 1952), p. 152-153.

1 Notum sit omnibus hominibus 2 quod anno dominice incarnationis .M^o.C^o.L^o.XXXX^o.V^o. 3 eu Maria del Bez et eu Peironella sa fila, nos amdoas essems, ab \2 bona voluntat e-ssas engan, 4 donam e laudam et autorgam a Deu et a sancta Maria et a-lla-maio del-Temple, e per-num a-lla-maio de S. Eulalia, \3 alz fraires qu-ara-i so e per adenant i serau, 5 zo es a-ssaber .i. mas que aviam al Bez, lo qual mas la maios sobredicha avia conquist d-en Raim\4un Ricart d-a Cornuz e de sos effanz. 6 Lo benefizi e-lla tenguda e tot quant nos i aviam n-i podiam demandar ni hom ni femena per nos, \5 per qualque maneira o fetzem, tot o donam et o gurpem et o desamparam per nos e pelz nostres, per aras e per totz temps, a Deu et a-lla-maio sobre \6 dicha et alz fraires qu-ara-i so e per adenant i serau, e desvestem ne nos e vestem ne la maio elz sobre digz fraires. 7 Et aizo fo fag em-presen\7za delz fraires de-lla-maio, d-en Bernart Porcel e del capella e d-en Peiro Andreu, josta la gleia, que receupro aquest do per cosseil delz fra\8ires de-lla-maio e per mandament d-en Aimeric de Salas qu-era comandaire de-lla-maio avan dicha. 8 Et emper-aizo eu Maria sobredicha deg es\9ser sebelida e-llor cimiteri, et au me receupuda e-llas orazos et el be fach de-lla-maio. 9 Ujus rei testes sunt Peire Garifres lo capellas, Guillems de \10 Lodeva, Raimunz Galairtz, Guiralz d-Ozilgas lo clergues, Vezias, Deusde diagues que aquesta carta escrius.