Téléchargement du document

Documents linguistiques galloromans
Corpus : chOccAnc5 (chOccAnc5)
Responsable du corpus : Martin Glessgen
Édition de la charte : C. Brunel

chOccAnc512

1192.

Type de document: Charte: mise en gage.

Objet: Impignoration aux frères du Temple par Celebrun et Gauje sa mère, de leurs droits sur les mas du Tournet et du Falconet avec jouissance des revenus, en garantie du prêt de vingt sous de nouveaux deniers de Melgueil.

Auteur: Celebrun et Gauje, sa mère.

Bénéficiaire: Les frères du Temple.

Lieu de conservation: Archives départementales de la Haute-Garonne, Ordre de Malte, grand prieuré de Saint-Gilles, commanderie de Sainte-Eulalie (cant. de Cornus, arr. de Saint-Affrique), la Salvatge, pièce 3.

Édition antérieure: C. Brunel, Les plus anciennes chartes en langue provençale. Supplément (Paris, 1952), p. 150-151.

1 Notum sit omnibus hominibus 2 quod anno dominice incarnationis .M.C.XC.II. 3 eu Celebrus et eu Guauja sa maire, nos essems, bonament e senes enguan e senes retenement que non-i faim de re, 4 metem em peinnora a Deu \2 et a sancta Maria et alz fraires del Temple presenz et esdevenidors, e per nom a te, Bernart Eschafre, maistre de la maiso de Sancta Eulalia, 5 totz aquelz dregz et-aquellas razos que nos aviam et-aver deviam per alcuna maneira el \3 mas del Tornet et el mas del Falconet, per .xx. sol. melgoires nous que n-avem autz de te dig, B. Eschafre, e delz altres fraires de la maiso de Sancta Eulalia per nom de peinnora, e receuputz que res non remas en deute. 6 E donam \4 vos de bon dreg totz los frugz e las guauzidas que-d-aizo aurez, que nous sio comtat em pagua d-aquest dig aver. 7 Et-eu Celebrus ai jurat sobre sanchs evangelis tocatz, et eu Guauja promes em bona fe, que-d-aquesta hora \5 enant, nos ni hom per nos, per nostre vol ni per nostre grat, re no-i queiram ni demandem troa aquestz .xx. sol. vos aiam paguatz em paz, e qui o fazia, que guirent vos-en siam de totz homes a dreg e reddedor de que qu-en pertzez o \6 per aizo messez. 8 E donam vos-o en tot quant avem et aurem a vida et-a-mort. 9 E lauzam vos aquestz eisses .xx. sol. en totz los pasturals et-elz boscs et e las aiguas que nos avem et-aver devem deus Dorbia en oltra ves Larzac, los quals \7 totz sabem e conoissem que aviaz enant aizo et-avez de nos em-peinnora per .c. sol. melgoires, mas se d'- aquestz digz .ii. mases nous podiam esser guirent e vos nolz voliaz sus el altra dicha peinnora, devem los vos reddre a las primeiras \8 Paschas que serau, al vostre somoniment. 10 E tot aizo dig vos eu Celebrus per sagrament, et-eu Gauja vos-o promet en bona fe. 11 Et-aquist dig mas so lonc la vostra eissa honor d-al Vorz. 12 Terme de rezemer a Nadal e d-aqui, d-an en an. 13 \9 Et-en quant de tot aizo sobredig pecaraz en elz, eu Ug Noiritz son fermanza e tengutz a la maiso sas son enguan et al seu entendement. 14 Et aizo fo fag e-la grava d-a Creissel. Autor Graver, G. del Mercadil, Rai\10mun de Torena, Bernart Labat son troter, Guiral Celebru, Peiro de la Roca.