Téléchargement du document

Documents linguistiques galloromans
Corpus : chOccAnc4 (chOccAnc4)
Responsable du corpus : Martin Glessgen
Édition de la charte : C. Brunel

chOccAnc310

1197, 7-28 octobre.

Type de document: Charte: vente.

Objet: Vente par Peire Bernart de Lavaur, à Gautier de Lavaur, de ce qu'il avait à Saint-Laurent d'Avezac et à Saint-Martin de Paulin.

Auteur: Peire Bernart de Lavaur.

Bénéficiaire: Gautier de Lavaur.

Lieu de conservation: Archives nationales, J 326 (Toulouse XVII), n° 15.

Édition antérieure: T. Besséry, Les premiers seigneurs de la région vauréenne, dans Revue historique… du Tarn, t. XVI (1899), p. 86, pièce 1; C. Brunel, Les plus anciennes chartes en langue provençale (Paris, 1926), p. 308-309. Indiqué par A. Teulet, Layettes du Trésor des chartes, t. I (Paris, 1863), p. 192, n° 466.

1 Conoguda causa sia a totz homes que aquesta carta veirau ni audirau legir 2 qu'en Peire \2 Bernat de Lavaur 3 vende e liure et assols e desampare a'n Gauter de Lavaur et asso ordeng, \3 per .dl. sol. tolsas dels quals se tenc be per pagatz de lui, 4 tot aco que avia ni aver devia, el ni \4 hom de lui, e la parroquia ni el deimari de S. Laurenz d'Avedac, esters una femena per nom \5 Peirona Antonia. 5 E vendec li lo predigz Peire Bernatz eill liure eill assols eill de\6sampare, al predig Gauter et asso ordeng, tot aquo que avia ni aver devia ni hom de \7 lui e la parroquia ni el deimari de S. Marti de Pauling, e totas las seinorias que avia \8 ni aver devia els predigz locs, els cesses els usatges els espleitius els homes e las fe\9menas ab lors tenenzas que de las predictas honors so ni esser ne devo, on que sio. 6 E tot \10 que que issia, herm e condreg, tot li o a vendut e liurat et assout e desamparat, senes \11 retenement que no i fe de re, for de la predicta femena. 7 Esse la predicta venda valia re \12 mais oltra los predigz .dl. sol., tota aquella maisvalenza lo predigz Peire Bernatz li done \13 ad escient, al predig Gauter et asso ordeng. 8 E'n Peire Bernatz predigz covenc guirentia de tota la pre\14dicta venda de totz amparadors al predig Gauter et asso ordeng. 9 Et ab las cartas qu'en \15 Peire Bernatz avia de las predictas honors queill ne liure, et ab aquesta present carta, mes \16 lo'n en tenedo, lo predig Gauter, de tota la predicta venda per far tota sa voluntat del pre\17dig Gauter e de so ordeng a jasse. 10 E'n Peire Bernatz jure sobrels sanz evangelis corporal\18ment ab la sua ma tocatz a'n Gauter predig que en re encontra la predicta venda negu\19na ora no venga, el ni hom ni femena per son geng ni per son cosseill, e que tot enaissi \20 quo desobre es escriut li o atenda et en re no li o pass. 11 Facta carta mense octobri, feria .iii^a., \21 anno Christi incarnationis .M^o.C^o.XC^o.VII^o., regnante Philippo rege Francorum, Raimundo comite \22 Tol., Fulcrando episcopo. 12 Hujus rei testes sunt Peire de Castlar, Ramon Berenger, Peire Gag, Isarn \23 Ademar so fraire, Peire de Gavarret, Bernat Sicre, Bernat de Camarada et Guillelmus scriba qui \24 hanc cartam scripsit.