Téléchargement du document

Documents linguistiques galloromans
Corpus : chOccAnc3 (chOccAnc3)
Responsable du corpus : Martin Glessgen
Édition de la charte : C. Brunel

chOccAnc264

1192, juillet.

Type de document: Charte: accord.

Objet: Accord entre R. de Fontanes, prieur de l'église de Saint-Antonin, et les frères du Temple, au sujet des dîmes de Montricoux et Cabannils.

Auteur: R. de Fontanes, prieur de l'église de Saint-Antonin.

Bénéficiaire: Les frères du Temple.

Support: Partie inférieure d'une charte-partie par ABC.

Lieu de conservation: Archives départementales de Tarn-et-Garonne, G 873 (fonds du chapitre de Saint-Antonin, arr. de Montauban).

Édition antérieure: Ch. Portal et Edm. Cabié, Cartulaire des Templiers de Vaour (Tarn) (Albi, 1894, Archives historiques de l'Albigeois, t. I), p. 106, d'après une copie du XVII^e siècle dans la Collection Doat à la Bibliothèque nationale, vol. 124, fol. 292; C. Brunel, Les plus anciennes chartes en langue provençale (Paris, 1926), p. 258-260.

1 Notum sit omnibus hominibus presentibus et futuris 2 qu'en R. de Fontanis, prior ecclesię Sancti Antonini, et conventus ejusdem ecclesie 3 se rancuravo dels frai\2res del Temple que tenio et avio tengudas Castras et Mairessi et Mont Ricolf et autras terras d'eissa la gleisa de Sancti Antonini, 4 et las ran\3curas et las corillas ero aitals quel priors sobredigs et li canorgue de Sancti Antonini se rancuravo dels fraires del Temple sobredigs 5 quar no lor \4 avio redutz los deimes de las terras de Mont Ricolf et de las terras et de la onor que om apella dels Cabannils, 6 et aquestz deimes querio de la \5 ora en za qu'en Fortz Santz et li autre fraires del Temple conquesero aquestas terras et aquestas onors sobredichas del prior et dels canorgues de Sancti Anto\6nini, 7 et li fraires del Temple respondio ad aizo d'aital guisa que zo dizio que de las terras de Mont Ricolf ni dels Cabannils no lor devio donar \7 deime, quar vas autras partz lo lor era avengut a donar, el priors et li canorgue de Sancti Antonini no lor en avio facha guirentia. 8 Et d'aques\8ta rancura et d'autras eissament quel priors et li canorgue de Sancti Antonini fazio dels fraires del Temple sobredigs fecerunt fi et acorder per conoissen\9za d'en P. de Moillac et d'en B. Frotard et d'en Persia en cui s'en ero messi. 9 Et li fraires del Temple sobredig que feiro aquest acorder et aquesta fi foro a per \10 nom P. de la Casa et W. Macips que o feiro ab cosseil et ab autorgament d'en Doat d'Ahas et d'en Bertran Bonafos et de n'Ugo de Moillac. 10 Et \11 la fis et l'acorders es aitals quel priors et li canorgue de Sancti Antonini lor feniro et lor assolsero tot quant querre ni demandar lor \12 podio d'aqui a d'en reire dels deimes de las onors sobredichas de Mont Ricolf et dels Cabannils, 11 et li fraires sobredig del Temple feniro et \13 assolsero per lor et per los autres fraires del Temple al prior et als canorgues de Sancti Antonini que jamai neguna re no lor queiro ni lor deman\14do de tot aquo que mes ni perdut n'avio d'aqui a d'en reire per ocaiso dels deimes d'aquestas onors sobredichas de Mont Ricolf et dels Cabannils. 12 Et en eissa \15 aquesta fi fo acordat que d'aqui enant li fraires del Temple reddant cad'an al prior et als canorgues de Sancti Antonini los deimes a be et a fe de las terras et de \16 las onors sobredichas de Mont Ricolf et dels Cabannils de tot aquo que eil ne aurau de que devo dar deime segon los acorders que escriut so en lor autras \17 cartas que foro factas de totas aquestas onors sobredichas ab Fort Sanz, 13 el priors et li canorgue de Sancti Antonini devo far guirentia a dreig a be et a \18 fe als fraires del Temple d'aquestas sobredichas onors de Mont Ricolf et dels Cabannils, 14 et li fraires del Temple no devio querre emenda al prior ni als canorgues \19 dels deimes d'aquestas onors, si autre los i avio naturalment ni per razo, enant qu'en Fort Sanz et li fraires del Temple conquesesso aquestas onors del prior et dels \20 canorgues de Sancti Antonini, mas d'aquo que li fraires del Temple n'aurau devo donar deime al prior et als canorgues, et ges per ocaiso d'autre deime qui per \21 razo li avia no devo contrastar al prior ni als canorgues lo lor deime, 15 et sil priors et li canorgue de Sancti Antonini la guirentia d'aquestas onors sobredi\22chas de Mont Ricolf et dels Cabannils no la fazio a dreig aici co far deurio, no devo pignorar ni destrenger los fraires del Temple per aquest deime \23 de Mont Ricolf et dels Cabannils entro que la guirentia fezesso aici co far deurio. 16 De tot aizo so testimoni li prohome sobredig scilicet B. Frotards \24 et Persia et P. de Mollac et Ug de Mollac et G. Ramonda et P. Macins et G. Alamans et Campaniacs 17 et Geraldus Bontos qui hanc cartam \25 scripsit. 18 Anno incarnationis Domini .M^o.C^o.LXXXX^o.II^o., in mense julio, Celestino papa Romano, Philippo rege regnante.