Téléchargement du document

Documents linguistiques galloromans
Corpus : chOccAnc3 (chOccAnc3)
Responsable du corpus : Martin Glessgen
Édition de la charte : C. Brunel

chOccAnc205

1183.

Type de document: Charte: mise en gage.

Objet: Engagement par Peire Aenric et sa femme, à Marc des Ortals, des deux tiers du droit de quint sur les Pinèdes et des deux tiers de ce qu'ils ont au mas de Fourcade.

Auteur: Peire Aenric et sa femme.

Bénéficiaire: Marc des Ortals.

Lieu de conservation: Archives départementales de la Haute-Garonne, Ordre de Malte, grand prieuré de Saint-Gilles, commanderie de Sainte-Eulalie (cant. de Cornus, arr. de Saint-Affrique), La Salvatge, pièce 1.

Édition antérieure: C. Brunel, Les plus anciennes chartes en langue provençale (Paris, 1926), p. 193-194.

1 Notum sit omnibus hominibus 2 quod anno dominice incarnationis .M^o.C^o.LXXX^o.III^o.. 3 Eu Peire Aenrics et eu \2 Adalmus, sa moiller, nos amdui essems, bonament essas engan, 4 metem em peinnora a te, March delz \3 Ortals, et a ta moiller et a tos efanz et a totz aquelz homes a cui tu o volrias laissar o empeinnorar, \4 5 las doas partz de tot lo quint que nos avem ellas Pinedas et en tot lo terrador et el lavoriu erm e \5 vestit que s'i apertain, e las doas partz de tot aquo que nos avem el mas de la Forcada. 6 Aquestas doas \6 partz sobredichas de tot aquest quint et aquestas doas partz sobredichas de tot aquo que nos avem en a\7quest mas de la Forcada et en totz los terradors et elz lavorius erms e vestitz que s'i apertainno, on \8 que i sio, deus Revel entro el Vorz e deus la gleisa de la Cisterna entro em Peira Ficha, tot ais\9si t'o metem em peinnora per .cl. sol. de melgoires nous o per .iii. marchs d'argent fi se li melgoires a\10follavo ni abatio. 7 E per aquesta terza part sobredicha que nos i retenem avem ti per covinent aban\11donadas totas las Pinedas e totz los terradors erms e vestitz on que tu et hom per te i lavores, e de \12 totz los pis que serau ellas bodigas devon aver li lavorador la meitat et entre nos e te l'altra. 8 E do\13nam ti e volem que aias de bon dreig tota la gaudida e la dissida que d'aquesta peinnora auras, si que \14 res non t'en posca ni t'en deia esser comtat em paga d'aquest aver sobredig. 9 Et eu Peire Aenrics ai \15 ti jurat sobre s. evangelis tocatz et eu Adalmus covengut que en aquesta peinnora sobredicha re not \16 removam ni t'anparem, nos ni hom ni femena daus la nostras partz, per nostre grat ni per nostre cos\17seil, e que t'en siam guirent qui ren ti anparava, 10 si que, se ren perdias per anparament que hom ni feme\18na ti fedes, devem t'o emendar al teu somoniment, e donam t'o a vida et a mort, e nostre aver et e \19 nostra honor, e per nom en aquesta terza part sobredicha que nos i retenem. 11 Et aquesta peinnora non devem \20 redemer entro .vi. anz l'aias tenguda, e seguentrelz .vi. anz, es lo termes cad'an a Karesmantrant. 12 \21 Et aizo fo faig el mes de febreir. 13 Et avem ti covengut e donat que d'aitant quant tu d'aquestz \22 terradors sobredigz lavoraras o hom per te a tos ops de ta maiso, nonz en deus, tant quant aquesta pein\23nora tenras, neguna ren donar. 14 Autor Ugo delz Ortals e Raimun Aldeguer e Guillem, so fraire, e Raimun Ricart \24 d'a la Roca e Ricart Fabre e Guillem Gaugi e Deusde Cabanneir.