Téléchargement du document

Documents linguistiques galloromans
Corpus : chartes de Meurthe-et-Moselle (chMM)
Responsable du corpus : Martin-D. Glessgen
Édition de la charte : Martin-D. Glessgen / Michel Arnold (révision: D. Kihaï)

ChMM094

1252, 27 octobre

Type de document: charte: établissement d'assise

Objet: Assise établie par Gérard de Louppy sur ses hommes de Chardogne, Hargeville et Fains qu'il tient en fief du comte de Bar réglant les droits à payer pour les bêtes, les délits, les corvées et le gîte du seigneur.

Auteur: Gérard de Louppy

Sceau: auteur

Bénéficiaire: Gérard de Louppy

Autres Acteurs: comte de Bar

Rédacteur: scriptorium d'une abbaye ou d'un chapitre cathédral de Lorrain [pal; sous-traitance?]

Support: parchemin jadis scellé sur double queue (débris de sceau jaune)

Lieu de conservation: AD MM B 790, n^o 64, layette Louppy-le-Château

Verso: Chartres de Chardoingne (XIII^e s.)

1 Je, Girars de Loupei, 2 faz savoir à touz ceus qui ces presentes lettres verront et orront 3 que je ai mis à assise et à franchise touz mes homes \2 de Chardoingne, de Hargevile et de Fains que je teing dou fiei le conte de Bar le Duc, en tel meniere que chascune beste traians, soit chevaus, soit \3 autre, paiera chascun an un setier de froment et un setier d'avoinne dedans les octaves de la Saint Remei et dous sous dedans les octaves de \4 Pasques; 4 et les autres grosses bestes, vaches, veel et polain qui ne trairont mie qui seront sorannees, paieront un denier dedanz les \5 octaves de Pasques; 5 li berbis, li chevre, li porc sorannei, paieront une maille à celui termine; 6 chascuns home et chascune famme veve \6 qui ne meteront beste en champ, paieront demei setier de froment et demei setier d'avoinne, dedans les octaves de la Saint Remei et \7 douze deniers dedans les octaves de Pasques; 7 et paiera chascuns hom mariez et chascune famme veve dous gelines dedans les octaves \8 de la Saint Remei. 8 Et s'aucuns hom ou famme forceloit rien ne cest atirement, il restabliroit ce que seroit forcelei et pairoit deis sous \9 d'amaende. 9 Et qui-qui-onques ferra home ou famme et il i-at sans, il paiera quinze sous et qui ferra senz sanc, il paiera cinc sous, soit hom ou famme et \10 la famme qui tancera et laidangera paiera douze deniers. 10 Et s'il avenoit chose que li bans des dites viles fust miens, il me paieroient leiur \11 pargies et li home me doient servir à mon besoing en ma presence; 11 et s'aucons demoroit et ne moustroit droite raison de de\12moreir, il paieroit cinc sous et s'aucuns hom est semons dou maior ou de des eschevins et il n'i vient, il paira douze deniers \13 et se clamors en vient devant moi, il paiera cinc sous; 12 por les croees pairont por chascune charrue douze deniers, por la \14 faus douze deniers, le fenour et por les dous faucillors? douze deniers. 13 Et quant je irai as villes devant nomees, li maires \15 et li eschevin me doient perveioir d'osteiz et ma compaignie et autres ostes s'il me venoient; 14 et li oste averont por chascun che\16vaul por herbe ou por foinc de chascune neuit une maille tant soulement. 15 Et se on prenoit aucun d'ous par ma \17 dette, je le doi delivreir à mon pooir, et se ne le delivroie, li autre home de ceste assise le deliveroient de ma rente; \18 et se on lor toloit aucune chose por moi ou por ma dette, je lor doi restablir. 16 Et totes ces choses devant dites \19 lor ai je jurei à tenir à eus et à lor hoiers, bien et loiament et en bone foi et meui hoir lor doient ausi tenir \20 aprés moi. 17 Et por ce que ce soit ferme chose et estable à touz jors, je lor en ai doneies ces presentes lettres \21 saaleies de mon seel, en tesmooingnage de veritei. 18 Ce fu fait en l'an que li miliaires nostre Signor corroit, par \22 mil dous cens cinquante dous ans, le diemenge devant feste touz_sainz, on mois d'octembre.