Téléchargement du document

Documents linguistiques galloromans
Corpus : docAlpHPr (docAlpHPr)
Responsable du corpus : Martin Glessgen
Édition de la charte : Paul Meyer

docAlpHPr008

1445.

Type de document: État de dépenses.

Objet: État de dépenses établi par le clavaire de Sisteron.

Auteur: Clavaire de Sisteron.

Rédacteur: Commune de Sisteron.

Support: Registre.

Lieu de conservation: Archives de Sisteron.

Édition antérieure: Meyer 1909, p. 237.

1 Demanda acceptar lo clavari per lo consel las causas denfra scripchas per el pagadas en exequution de la hordenansa del conselh et per commandament de l'asessor dels senteges.
2 Et primo, ay pagat, hotra las autras pagas, de la chaus neccessaria tan per lo pont de Durensa cum per las muralhas fachas sobre l'ort de Raymonet lo Borsier e autres hobrages, so es a saber per .xxviij. saumadas de chaus resaupudas per Jaume Gautier, que montan florins quatre, g. .viij., a rason de dos grosses per saumada, las quals avem agudas.
3 Item, plus ay pagat a Jaume Martin, per dos saumadas de chaus per lo dich obrage, montan gross. .xx., a rason desus dicha.[…]
4 Item, plus ay pagat Anthoni Andrieu, per portar florins cent a monsen Johan Quiqueran per la pension la quad la vila li fay, e dels cals portet podixa de sa man propria, so es a saber un florin.
5 Item plus, ay pagat, per lo cambi de la moneda de la pension deguda a monsen Johan Quiqueran e per .lxxxvj. florins cambias, .vij. grosses, a rason d'un cort? per florin, a Rolant Desdier, so es a saber gross. .xxj., d. .viij..
6 Item plus, ay pagat per la despensa del[s] chavals e per loguier d'un caval per l'assesor, cant aneron a Mison, per lo debat de las egas de Madama de Mison, so es asaber gross. duos, d. .xij..
7 Item, ay pagat, en exequcion de la hordenansa del conselh, a Tibaut, hostalier del Moton, per la despensa facha per monsen lo chansellier, monsen Johan Martin e mestre Nicolau Angil que anava an si, so es asaber florins tres.
8 Item, plus ay pagat, en exeqution de la hordenanssa del conselh, a monsen Johan lo sermonador, per una rauba, per un chapion e per la foradura de la rauba, de que non ha volgut far podixa, so es a saber florins .xv..[…]
9 Item, plus ay pagat, a Morier? Belau? en exequucion de la hordenansa del conselh, per la polvera ^[i] dels strops ^[1] del juoc del des milia martils ^[ii], so es asaber gross. huech.
10 Item plus, ay pagat a Louisat? Mota, per una copa de vin despendua al juoc, grosses tres.
11 Item, a monsen Peyre de las Brayas aytant.
12 Item, ay pagat a monsen Alexi, per la despensa facha per aquellos, so es asaber gross. dos, per cascun un.
13 Item, ay pagat per tres homes que porteron la terra, per far los cadafales e per deffar e per metre la terra juxta lo ort de Raymunnet Berenguier, grosses .vij. 1/2.
14 Item plus, ay pagat a monsen Alexi, per pan e per vin que se despendet al juoc, gross. quatre e mi[e]ch.
15 Sec se so que yeu Anthoni Borys ay despendut al dinar:
16 Premierament ay despendut en chart .xliij. lrs. ^[2] de moton en .viiij. troses de moton que hi avia, montan gr. .x., d. .xij..
17 Item, en cogordas, d. .xij..
18 Item, en specias moutas, duos honsas, montan g. .ij..
19 Item, dos lieuras e mieja de bacon, tan en bola? cant en las tripas, cant en lardar los pollases, d. .xij..
20 Item, en dos dramas de saffran per mettre en las cogordas e en las tripas, montan, g. .j. 1/2.
21 Item, en mostarda, d. .iiij..
22 Item, en jurvert, d. .iiij..
23 Item en prunas?, d. .viij..
24 Item, en peyras, d. .viij..
25 Item, en .vj. polles, montan g. .iiij., d. .xij..
26 Item, en fromage, tant en la vianda cant après la chart, lieuras tres, montan g. .j., d. .ij..
27 Item, en una copa e miega de vin, monta g. .v., d. .iiij..
28 Item, en pan, g. .iiij..
29 Item, en vin que despendet lo cuoc, per ung pichier d. .iij..
30 Item, en huous, d. .viij..
31 Item, en tripas, g. .ij..
32 Item al cosinier, g. .ij..
33 Item, ay despendut en la collasion que feron la vegillia de Nostra dona, tan en pan, vin e drageya e candelas, totas causas enclusas, gross. sieys.

Notes de transcription
^[1] Lecture douteuse.
^[2] lieuras.

Notes linguistiques
^[i] Poudre à canon.
^[ii] Il y a dans le compte même quelques lignes sur cette représentation; voir Laplane, Hist. de Sisteron, II, 479. Un mystère français des «dix mille martyrs» fut représenté à Amiens en 1482 (Petit de Julleville, Les mystères, II, 175, 630).