Téléchargement du document

Documents linguistiques galloromans
Corpus : docAlpM (docAlpM)
Responsable du corpus : Martin Glessgen
Édition de la charte : Paul Meyer

docAlpM018

1473, 8 janvier au 8 décembre.

Type de document: Délibération.

Objet: Extraits du registre de délibérations du conseil de la ville d'Antibes.

Auteur: Autorités de la ville d'Antibes.

Rédacteur: Commune d'Antibes.

Support: Cahier.

Lieu de conservation: Archives d'Antibes, BB 1.

Édition antérieure: Meyer, 1909, p. 502-504.

1 .M. .iiij^elxxiij. a Nat., e lo jorn .viij. del mes de ginohier, sege ^[i] si lo concelh de la villa d'Antibol.
2 Congregat l'onorable concelh de la villa d'Antibol, nou e vielh, a son de campana e per ahes ^[1] de crida, com es causa acostumada, ambe licentia de los senhors del dich luec e autres citas, con es causa acostumada, e en l'ostal de Johan Robion ont si costuma de tenir lo dich concelh, en presentia de mi Christol Hugolen, luoctenen de bayle de la dicha villa, en lo present concelh resident, per los senhors son estas los seguens, e an ordenat con s'en sege. ^[2]
3 Et primierament an ordenat Christol Hugolen, luoctenent de bayle, per escriptor e per escrioure las ordenansas de los ^[3] concelh de aquesta villa e autras causas, coma a escrich l'an passat, ambe los gages de g. .xviij. l'an.
4 Item, an ordenat per clavari de la dicha villa maystre Giraut Hugo, ambe los gages de florins des, tant solament per un an.
5 Item, plus an aordenat per audidor de contes maystre Laurens Colobriera e Johan Albarnon? per ausir los contes e las rasons de los sendegues passas, e aion de gages los despens que farian tant com perderan temps en ausir los dichs contes, e que aion fach relation d'aysi a Sant Sebastian ^[ii] prochanament venent. […]
6 ^[4] Item, que los sendeges requeran la justicia que fassa ho fassa far comandament a totas aquellas personas que fan pan a vendre en esta villa, que non auson vendre del dich pan a persona de luec habitant otra dos patars, e a tota barca que venga en lo port de la dicha villa gr. .ij. per home que seria en las dichas barcas tant com estarian en lo dich port, per cascun jorn, sus la pena de grosses .vij. et perdement de tal pan, la metat a l'acusant e l'autre a la cort. […]
7 ^[5] Item, an aordenat que Hugo Costantin, consendegue, done al maystre del ^[6] scola, en diminution de los gages que lur ^[7] a promes la villa, quatre sesties d'anona de la villa.
8 ^[8] Et premierament an aordenat que los sendegues regardon l'argent que an trach del gran que a agut la villa de M. Johan Cansol e donon recapte ^[iii] de aver en d'autre a emprunt de tos aquels que volran prestar, e donon provesion de trobar une barca e de mariniers per anar querre de gran aqui on miels lur apparra.
9 ^[9] Et premierament an aordenat, com lo sia causa que mosen lo juge de Grassa sia vengut aysi per saber la summa e quantitat del gran que es en esta villa, que lo sendegue en companhia e mosen lo bayle sobredich vagan per las portas de los hostals d'esta villa per saber particularment de tos los homes d'esta villa la quantitat del gran que an, e metre en escrit, e fasson relation al ^[10] mosen lo juge sobredich.
10 Item, se plas al dich mosen lo juge de sopar en esta villa, que los sendegues lo convidon de sopar a lo despens de la villa. […]
11 ^[11] Item, an aordenat que si culhan .xv. cavalcadas per pagar la paga que devem ^[12] donar al rey aquestas festas de Tos sans prochanament venent e autras causas que deu donar la villa, e si deian culhir per culhidor, si si troba, a tres gros per calvacada, e si non si troba, que si cuelhan per desenas.
12 Item, plus, com lo sia causa que sia vengut habitar aysi un strangier e aia amenat sa molher, que los sendeges requeran mosen lo bayle, e deian anar en sa companhia, que fassa comandament al dich home, sus certa pena, que denfra tres jorns aia espachat esta villa e tot lo terrador. […]
13 ^[13] Item, plus an aordenat Andrieu Sotil, consendegue, que vaga al concelh de Tres Estas a Marselha, on si deu tenir al jorn que li sera intimat per los sendegues de Grassa, ambe los gages acostumas de grosses, .iiij. e 1/2 lo jorn, tant com estaria en lo viage.
14 Item, plus aordenan e conferman l'ordenansa facha sobre lo bestiam, so es a saber de los porcs vagans, bous, aver menut, fach ^[14] en lo sendegat passat, segon que si conten en aquella. […]
15 ^[15] Item, plus aordenan que tota persona que fassan pan a vendre en esta villa non auson vendre pan otra de un rup a barca de navegar que venga en lo port, o a barca de pescar grosses .j., e a tota persona vianant patars .ij.; e qui contra faria, [sia] [en] [la] [pena] de grosses .vj., la metat a los regardadors e l'autra al senhor ^[16]; e d'ayso requeran los sendegues al bayle ho son luectement una crida.

Notes de transcription
^[1] Ailleurs, dans le même registre, on lit perahos; à la date du 22 septembre, très lisiblement peravos. Dans l'un des deux registres non datés qui sont du même temps, on lit aussi peravos.
^[2] Suivent les noms de quatre syndics, de huit conseillers «de concelh nou», de neuf «de concleh vielh» et de quatre «citas».
^[3] Sic.
^[4] $31 janvier.
^[5] $15 février.
^[6] Sic.
^[7] Sic.
^[8] $19 février.
^[9] $14 septembre. Il n'y a pas de délibérations entre le 23 février et le 13 septembre.
^[10] Sic.
^[11] $17 septembre.
^[12] Ou deven.
^[13] $23 septembre.
^[14] Sic.
^[15] $8 décembre.
^[16] Ou seuher.

Notes linguistiques
^[i] Pour segueou sec.
^[ii] Le 20 janvier. Ce saint était, à Antibes, l'objet d'une vénération particulière. Il y avait une église et une tour de Saint Sébastien (Tisserand, Hist. d'Antibes, p. 10 et 333). Il se tient une foire à la Saint Sébastien.
^[iii] «Dounarecate, porter remède, pourvoir» (Mistral, RECATE).