Téléchargement du document

Documents linguistiques galloromans
Corpus : docAlpM (docAlpM)
Responsable du corpus : Martin Glessgen
Édition de la charte : Paul Meyer

docAlpM003

1495, 2 octobre et 17 octobre.

Type de document: Délibération.

Objet: Délibération relative aux écoles et à la perception de la taille.

Auteur: Autorités de la ville de Grasse.

Rédacteur: Commune de Grasse.

Lieu de conservation: Archives de Grasse, registre BB 4.

Édition antérieure: Meyer, 1909, p. 489-490.

1 Item, ad futuram rei memoriam et pro cavillationibus antiquis evitandis et declarandis, presente M. Petro Tayssii, moderno rectore scolarum, ordinarunt et declararunt ut infra quoad stipendia clericorum solvenda:
2 Primo, que lod. M. Tayssii et los mestres de las escolas que seran en Grassa per temps esdevenidor deyan aver et ressebre per estudi ^[i] del clergues, dels sasalmes a en bas ^[ii], hun gros et demyey per clergue et per estudi.
3 Item, dels sasalmes fyn a las pars ^[iii], per estudi, g. tres per clergue.
4 Item, de las pars a en sus, per estudi, g. syeys per clergue ^[iv].
5 Item, ordinatur reparanda in scolis presentis universitatis reparari per dictum clavarium et sibi in compotis acceptari.
6 Item, afyn que losd. M. Guilhen Cormes et Jaume Grifon, culhidos elegis de la talha que cuelhon, fassan bona diligencia a la culher per entier, lod. conselh lur augmenta lurs guages autra fes constituis, et lur creysson que ayan entre ellos dos, et incluses les sobreditz guages constituis, videlicet flor. trente syeys, sive ff. .xxxvj..
7 Ambe tal condicion et non autrament que losd. culhidos deyan et sien tengus de culher tota lad, talha per entier fyn a hun denier, exceptat so que se trobaria legitimament que non si deguessa exegir, et facha sobre aquo deguda diligencia.
8 Et aysso deyan tot aver, culhir et exegir d'ayssi a Tos sans, sive la festa de Tos los sans prochanament venent.
9 Et casu que non ho ayan per entier exegit infra lad. dilacion et facha deguda diligencia, que losd. guayes de f. .xxxvj. non ayan luech, mas que lod. conselh deya a elles constituir novels guages a son plaser, sive sie en discrecion deld. conselh de lur elegir et ordenar novels guagues ^[1] coma a mess^rs del conselh aparra et plasera.
10 Item, ordinarunt acceptari dicto clavario f. unum, solutum Francisco Claperii et Petro Desiderii per dominos sindicos condictos ad causam capiendi et arrestandi quemdam venientem de guerra, dicentem quod Jaume Tossans no li avie pagat sos guages, et depueys led. Jaume le deguet instigar que dissessa que era estat pagat, et lo tenguet enclaus e l'en deguet far annar de nueig escondudament.
11 Item, ad expeditionem exactionis peccuniarum talhii quod noviter levatur pro causis regni et negociis universitatis, ordinarunt quod incontinenti fiat preconisatio que tota persona que sic guayada per lad. talha, incontinent per tot lo jorn prescrit pagon ho resemon? Iurs guayes, sinon deman apres dinar si deyan encantar, vendre et liurar al plus disent.
12 Item, ord. preconisari que tota persona que aguessa agut arnes de lad. ciutat per anar a la guerra al rey per lo servir en Lumbardia, que sie tornat de la guerra, deya restituir tal arnes a lad. universitat infra tres jors apres la crida, sub pena ll. cor. .xxv., prout et ita DD ^[v] judex et vicarius fieri concessit.
13 Item, committunt DD ^[vi] sindicis et clavario que acordon lo commessari que es en esta vila per la causa contra los gabellies de l'a_nona, et lo pagon coma sera rason, e al clavari sie acceptat so que auram ^[2] acordat.

Notes de transcription
^[1] Sic.
^[2] Sic.

Notes linguistiques
^[i] L'estudiéquivalait à un trimestre. Voir Revue des Soc. sav., 7^e série, III, 215, note 5 (article de M. Mireur).
^[ii] Mot à mot: «des sept psaumes jusqu'en bas», c. à d., en intervertissant les termes, depuis le bas (les premiers éléments) jusqu'aux sept psaumes. C'est la classe élémentaire.
^[iii] Depuis les sept psaumes jusqu'au traité de Donat, Deoctopartibusorationis.
^[iv] On rencontre dans les registres des délibérations et dans les comptes des communautés du midi de nombreuses mentions concernant les écoles, mais les témoignages sur les matières de l'enseignement sont infiniment rares, ce qui donne une certaine valeur à cet extrait du registre de Grasse.
^[v] Dominus.
^[vi] Dominus.