Téléchargement du document

Documents linguistiques galloromans
Corpus : chartes de Meurthe-et-Moselle (chMM)
Responsable du corpus : Martin-D. Glessgen
Édition de la charte : Martin-D. Glessgen / Michel Arnold (révision: D. Kihaï)

ChMM039

1245, mai

Type de document: charte: vente

Objet: Warmeneis de Monthureux et dame Ermine, sa mère, vendent à Husson le tailleur, de Passavant, et Ameline, sa femme, la moitié des dîmes de Mervaux.

Auteur: Wichart seigneur de Passavant

Disposant: Warmeneis de Monthureux et dame Ermine, sa mère

Sceau: auteur

Bénéficiaire: Husson le tailleur, de Passavant, et Ameline, sa femme

Rédacteur: scribe de Wichart seigneur de Passavant [pal]

Support: parchemin scellé sur double queue d'un sceau brisé de cire jaune; 220x92

Lieu de conservation: AD MM B 850, n^o 1, layette Passavant

Verso: Li leitre de la moité dou daimme dou Mervel (même écriture que l'acte)

1 · Je, Wichars, sires de Passavant, 2 fas cognussant à-touz ces qui verront et orront ces presentes leitres· 3 que Warme\2neis de Moturuel et dame Ermine, sa meire, ont vendu à-Husson, le taillour de Passavant et Ameline, sa feme et \3 à-lour hoirs, la moitié des daimmes dou Merval qui tiennent de moi, por vint et cinc livres de-langoinnes et de \4 viannois; 4 leis ques li dist Warmenes et dame Ermine, sa meire, ont resu dou dist Husson et Ameline, sa-feme,· \5 en boen paiemant leaul et s'en tiennent por bien soult et paiei entieremant. 5 Et doit li dis Hussons et Ameline, \6 sa-feme, ceste chouse tenir de moi, il et sui hoir, en fye et en homaige.· 6 Et por ce que ceste chouse soit ferme et \7 estable, je, Wichars, sires de Passavant, à-la prieire et à-la requeste des dis Warmeneil et de dame Ermine, sa meire, \8 ai mis mon sceil en ces presentes leitres, 7 que furent faites l'an de grace· mil· douz· cens· quarante· et cinc· \9 ans, en moix de may.