Téléchargement du document

Documents linguistiques galloromans
Corpus : chartes de Meurthe-et-Moselle (chMM)
Responsable du corpus : Martin-D. Glessgen
Édition de la charte : Martin-D. Glessgen / Michel Arnold (révision: D. Kihaï)

ChMM014

1240, 4 août

Type de document: charte: reconnaissance de fief

Objet: Thiébaut [II] reconnaît à Raoul évêque de Verdun, les fiefs qu'il tient de lui et reçoit en plus le château de Trougnon; en échange, le comte rend à l'évêque les fiefs de Delut et Mesnil-en-Woëvre; sont en outre réglées les questions touchant l'hommage lige du comte à l'évêque et l'entrecours de leurs gens.

Auteur: Raoul évêque de Verdun

Sceau: auteur; chapitre épiscopal de Verdun

Bénéficiaire: Raoul, évêque de Verdun et Thiébaut [II] comte de Bar

Rédacteur: scriptorium épiscopal de Verdun [pal; rdexc: comte de Bar]

Support: parchemin jadis scellé de deux sceaux sur double queue

Lieu de conservation: AD MM B 547, n^o 17bis layette Bar, fiefs et dénombrements

Édition antérieure: Roussel, Histoire ecclésiastique et civile de Verdun... preuves, p. 21

Verso: Letre de la pais faite entre Raoul, evesque de Verdun et le conte de Bar (XIII^e s.)

1 Je, Raols, par la grace de Deu evesques de Verdun, 2 faz savoir à touz 3 que teis pais est faite entre moi d'une part et Thiebaut, conte de Bar d'autre, en teil ma\2niere qu'il m'a reconu et faite ligié et fealtei devant toz homes, por toz les fiez qu'il e sui ancessour tinrent de moi et de mes ancessours.·
4 E avuec ce a il repris de moi li\3gement le chastel de Trognon en crissance, avuel ^[i] les autres fiez qu'il tient de moi.·
5 En teil maniere que quiquionques tenra le chastel de Trognon, il iert hom \4 liges l'avesque de Verdun devant touz homes qui-qui soit eveques· 6 et ceste fealtei devant ditte m'a il fait à Verdun et m'a reconu et reconoit qu'il e tuit sui hoir \5 qui seront conte de Bar aprés lui d'oir en hoir, 7 la doient faire à moi e à ceus qui aprés moi seront evesque de Verdun, l'un aprés l'autre, à Verdun ou en une de mes \6 maisons, à ma volontei.·
8 Et est à savoir que il ne nus des hoirs le conte Henri, son pere, ne cil qui aprés aus venront d'oir en hoir, ne porront retenir en lor terre, \7 n'en lor pooir, n'en en autre leu mes homes ou je faiz taille ne prise ne ceus ou je la puis faire.·
9 Sauf l'entrecors des borgois des villes franches qui puent aler la ou il we\8lent, et sauf l'entrecors des mariages de la terre de Deulowart ^[1] et de la terre de Moncons.·
10 Ne ne pouront en nul leu retenir mes frans homes contre moi.·
11 E ausi je ne \9 puis retenir ses homes, ne les homes le conte Henri devant dit, ne de ceaus qui aprés aus venront d'oir en hoir en ceste maniere qui devant est ditte, 12 fors que de Ver\10dun n'a Thiebauz nulle covenance à moi, ne je à lui.· 13 Et est à-savoir que Thiebauz m'a rendu e acquitei le fié de Deluz· et le fié de Masnil en Weivre delez \11 Seint Benoit desoz Haydonchastel;· 14 et est à-savoir que Thiebauz, ne nus des hoirs le conte Henri devant dit, ne de ceaus qui aprés aus venront, ne porront rece\12voir, ne retenir n'en en-fié, n'en en homage nul alué qui soit ne em mon ban, n'en en ma justice,: ne je ausi des lour.·
15 E est à savoir que il a reconu, que il, ne-nus des hoirs \13 devant diz, ne puent, ne ne porront aquester nus des fiez l'esveque de Verdun se par lui non·
16 ne je ausi, ne cil qui iert evesques de Verdun, se par le conte non.· \14 17 Et est à savoir que de nulle chose n'est faite pais n'en acquitemenz, fors de celles choses qui sunt nomees appresseement en ces lettres; 18 et que ceste chose soit fer\15me e estable, je ai mon sael mis à ces lettres· 19 et nos,·· li princiers,·· li doiens· et toz li chapistres de l'aglise de Verdun, creantons ceste pais e avons \16 mis notre sael à ces lettres en tesmonaige de veritei.·
20 Cez lettres furent donees l'an que li milliares corroit par mil e dos cenz et quarante· anz,· en mois d'aoust,· \17 le samedi aprez feste Seint Pirre en Aoust.·

Notes de transcription
^[1] -lo-: deux lettres partiellement effacées.

Notes linguistiques
^[i] Cf. alorr. aveulx(1326, Salv), avelzEstFr, afrib. avoil, ... afr. avuelzceuChrestien (FEW 24,30a/b).