Téléchargement du document

Documents linguistiques galloromans
Corpus : chartes de la Nièvre (chN)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chN 033

Le samedi après l'Ascension, 19 mai 1330

Type de document: charte: accord

Auteur: Jean Blandin, garde du sceau du comte de Nevers dans la prévôté de Donzy

Sceau: Auteur

Support: Original parchemin jadis scellé

Lieu de conservation: AD N H 150, n°12

1 A touz ces qui verront ces presentes lettres, 2 Jehans Blandins garde dou seel mon-seigneur le conte de Flandres et de Neverz en la prevosté de Donzi salut en nostre-seigneur.· 3 Saichaint tuit 4 que par \2 devent Regnaut Gauvain de Cone clerc nostre juré en l'office dou dit seel, 5 auquel nous avons donné pover et auctorité de oir et recevoir en leu de nous les convenences ensiguenz: \3 6 Establiz pour ceu personelment en la presence doudit juré nobles damoiseaux Jehans de Latigni filz jadis de Jehan de Latigni escuier et de feu Aalis fille jadis de mon-seigneur \4 Regnaut Bognier femme doudit escuier, 7 certans pourveuz et bien consoilliez aveuc grant diligence si comme il disoit, 8 recognut communement en Dieu par devent ledit juré \5 9 que comme il ehust admoisonné et accensé à religieux persones l'abbé [et] [le] [convent] ^[1] de Royches et à-leur successeurs 10 à trois anz et à trois leveez de-fruiz et de-issues 11 toutes les cho\6ses que il a, puest et doit avoir ou terroier et ou finaige de Nuzi [en] [la] [parroiche] ^[2] de Nuisi prees et anviron, 12 des choses que li dit religieux ont à Nuzi 13 pour le pris et pour \7 la somme de cent soulz tournois de annuel pension à paier chacun an des diz religieux au dit accenseur, 14 une foiz l'an tant solement durant les dictes trois annees, \8 15 si comme il est contenu plenement en unes lettres faites sur ceu souz le seel de la dicte prevosté de Donzi, 16 donnees le semadi apres la feste de l'ascension nostre-Seigneur l'an. mil ·CCC· et \9. trente·. 17 Il avoit ehu et recehu des diz religieux. quinze.. lb. tournois 18 pour raison et pour cause des diz admoisonnement et accensement des trois anz dessus diz, 19 c'est assavoir \10 pour chacun an. cent. soulz tournois des quex. quinze.. lb. tournois dessus dictes. 20 Pour la cause dessus dicte il se teint pour bien et enterinnement paiez paroy? et de toutes les trois anne\11es dessus dictes, 21 et de toutes et chacunnes autres choses en quoi li dit religieux pouissent estre tenu au dit Jehan damoiseaul dessus dit, 22 de tout le temps passé juques au jor \12 de la confeccion de ces presentes lettres, 23 et quitta les diz religieux et leur successeurs dou tout en tout par devent le dit juré, 24 volenz et ratefianz l'admoisonnement et l'accense\13ment dessus dit nonobstant le paiement et la quittance dessus diz des choses dessus dictes.· 25 Promettenz pour sa foi donnee corporelment en la main dou dit juré 26 que contre cest \14 paiement et quittance et l'admoisonnement et accensement et les dictes lettres faites sur ceu si comme dessus est dit, 27 ne contre ces presentes lettres il ne vienra par li ne \15 par autre de ci en avent, 28 ne ne se consentira en aucunne maniere au contre---- - ^[3]. 29 Ancors il tiendra, gardera et acomplira fermement et bonement senz contredit, \16 30 obligenz et submetenz quant à ceu soy et ses hoirs et touz ses biens et les biens de ses hoirs, 31 meubles et non-meubles, presenz et à-avenir, quelque il soient et quelque part \17 que il soient, 32 à-la juridicion et à la cohertion doudit seel à estre contrainz par la prise et par l'esploit et par la vente de touz ses biens, 33 renoncenz par sa dicte foi en ce fait à \18 toutes et chacunes exceptions,-- llacions, deffenses et raisons de fait et de droit, de canon et de loi 34 qui pourroient estre obiciees, dites et proposees contre ce fait et ces \19 presentes lettres. 35 Ou tesmoing de la quel chose nous avons seellé ces presentes lettres dou seel de la dicte prevosté à la relation dou dit juré.· 36 Donné l'an de grace. mil.. trois cenz. et \20. trente. le semadi apres la feste de l'ascension de nostre-Seigneur apres ceu grant piece que les lettres de l'admoisonnement et accension dessus dit haient esté otroiés.···

Notes de transcription
^[1] Mss: parchemin taché.
^[2] Mss: parchemin taché.
^[3] Mss: mots effacés.