Téléchargement du document

Documents linguistiques galloromans
Corpus : chartes de la Nièvre (chN)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chN 014

Le dimanche avant la Saint-Barnabé, 8 juin 1315

Type de document: charte: hommage lige

Auteur: Pierre de Gres, garde du sceau de l'évêque d'Auxerre dans la prévôté de Barzy

Autres Acteurs: Guillaume Magnum, juré

Support: Original parchemin jadis scellé

Lieu de conservation: AD N 51 J 15

Verso: Inscription en marge: ; -

1 A-touz ces qui verront ces presentes lestres: 2 Pierres de Gres garde dou seel mon seignour l'evesque d'Aucerre en la prevosté de Barzi salut en nostre Seignour.· 3 Saichant tuit que par-devant Guillaume \2 Magnum clerc nostre juré en l'office doudit seel,· 4 auquel nous havons donné pover et commandement especiaul quant es convenances ensiguanz oir et recevoir en \3 leus de nous, 5 et auquel nous ajoustons foi quant à ce et à plus granz choses, 6 establiz pour ce especiaument 7 Jehans dou Bousson escuiers par-devant le dit juré· a re\4cogneu en droit 8 soi tenir en fié de Jehan de Bruille seignour dou Gué escuier les choses ci dessouz nommees et escriptes, 9 c'est assavoir touz ses homes et toutes ses \5 fames taillables movenz de la vie de Parrigni, quelque part que il soient demorant, 10 et touz leur tenemenz estanz en ladite terre de Parrigni,; 11 le pré de lor mer-- au-pré \6 Guignepié, 12 la mitié dou pré à-la terre Guibour portent por nom Denis avec ledit Guignepié,; 13 la mitié dou pré appellé Laste Naaliz portent por nom Denis avec \7 Parrin Seot et avec Jehan Dars damoiseaus, 14 tout le droit que il ha et entent à avoir ou pré de la baille portent por nom Denis avec les diz Parrinz Seot et Jehans Dars, \8 15 la mitié de l'aste dou pré nos ba-- portent por nom Denis avec les dessus-diz Parrin Seot et Jehan Dars, 16 tout cel droit que il ha ou pré des Praeles· portent por nom Denis \9 avec les dessus-diz Parrin Seot et Jehan Dars et avec les enfanz Jehan de Bois,; 17 tout cel droit que il ha ou puet havoir en la baille dou pont de Parrigni portent \10 por nom Denis avec les-diz Parrin Seot et Jehan Dars et tenent à la fame au feu Monton de Marsi l'aste dou chetif pré, 18 tenent au pré Jehan Chauderon l'arpent \11 de pré dou breaul de Parrigni portent por nom Denis avec Parrin Seot et Jehan Dars, 19 et tenent au pré de l'iglise de Parrigni l'arpent de pré dou breaul de Parrigni \12 portent por nom Denis avec Parrin Seot et Jehan Dars dessus-diz, 20 et tenent au pré es hoirs de Micheaugues tout son droit dou pré qui fu jadis feu Torreaul de \13 Parrigni, 21 portent por nom Denis avec lesdiz Jehan Guignepié,· Parrin Seot et Jehan Dars; son droit dou pré qui fu jadis feu Jehannin de la Fontene 22 portent por nom \14 Denis avec lesdiz Parrin Seot et Jehan Dars,; le pré qui fu jadis à la Broce, 23 tenent es oches de Parrigni et Aubertat· une piece de terre seant à la croiz de Parrigni, 24 tenent \15 à la terre Minat· Ganart; la mitié de la terre dou champ Maicheron portent por nom Denis avec lesdiz Parrin Seot et Jehan Dars,· 25 et tenent à la terre es enfanz \16 Jehan de Bois une piece de terre seant dessouz la croiz de Parrigni, 26 tenent es terres Parrin Seot et Jehan Dars une autre piece de terre seant dessouz la croiz \17 de Parrigni. 27 Tenent à la terre Co-- Guillaume de Vaulberou et portent por nom Denis à Parrin Seot et à Jehan Dars; une piece de terre seant dessouz la maison au beuf \18 de Menis, 28 portent por nom Denis avec lesdiz Parrin Seot et Jehan Dars et tenent es terres es hoirs Guillaume de Vauberoul le journaul dou baraige de la rue de \19 Menis. 29 Tenent au chemin par le quel l'an vait de Parrigni à Menis une piece de terre seant es Haranes. 30 Tenent es terres es hoirs de Micheaugues et es \20 terres Jehan Dars· un journaul de terre essis es astes noires. 31 Tenent es terres Jehan Dars deux journaus de terre essis es astes traversines.· 32 Tenent es terres \21 doudit Jehan Dars une piece de terre seant es establis portent por nom Denis avec Parrin Seot un journaul de terre essis à la portiere de Parrigni, 33 tenent \22 à la terre de l'iglise de Parrigni une piece de terre seant entre Parrigni et H-rri, 34 portent por nom Denis avec Jehan Dars une autre piece de terre seant entre Parrigni et \23 H-rri, 35 tenent à la terre de l'iglise de Parrigni une piece de terre seant es praeles, 36 tenent à la terre Agnes fille Jehannin Eurart une piece de terre seant à \24 l'essart dessouz Sormant, 37 portent avec la terre de l'iglise de Parrigni l'aste Verbaut, 38 tenent à la terre Jehan Dars dessus-dit la terre dessouz Sormant qui \25 fu à la Broce. 39 Tenent à la vigne Guignepie la vigne qui fu jadis à la Broce, 40 tenent à la vigne de l'iglise de Parrigni et au bois de la Soucherre une piece de terre \26 seant dessus la maison Maraiche, 41 que lidiz Jehans dou Bousson ot por eschange dou devant dit Jehan Chauderon,; 42 l'oche qui fu Chalart,; 43 l'oche qui fu à la Broce, \27 44 tenent à l'oche de l'iglise de Parrigni· une piece de pré seant es praeles de Parrigni, 45 portent por nom Denis avec les enfanz Jehan de Bois· un oche seant dessus \28 la fontene de Parrigni, 46 tenent à la vigne de l'iglise de Parrigni; le verger dessus la fontene de Parrigni, 47 portent por nom Denis avec lesdiz Perrin Seot et Jehannet \29 Dars et tenent es hoirs Rest-re; toutes les choses que tiennent en fié doudit Jehan dou Bousson, 48 en quelque chose que ce soit et puisse estre, 49 Perrins Seoz et \30 Jehans Dars dessus-dit, 50 touz les cens que lidiz Jehans dou Bousson ha à-Parrigni qui li sont dehu à paier à la Saint Remy, 51 la justice et la seignerie grant et petite \31 des leux dessus-diz, 52 exceptee la justice qui debat entre noble home mon seignour Robert d'Artois chevalier et ledit Jehan dou Bousson, 53 laquelle justice qui debat lidiz Jehans \32 dou Bousson cogninstroit à tenir doudit Jehan de Bruille se li empoichemenz en estoit ostez, 54 que y met ou fait mestre por li et por ses menistres lidiz messires Roberz \33 d'Artois, 55 et de prié lidit Jehan dou Bousson audit Jehan de Bruille que il li vuylle estre aidenz à la fin que li empoichemenz de la dite justice li soit ostez.· 56 Et se auquune \34 chose avoit oblié lidiz Jehans dou Bousson à mestre en ceste presente lestre que il teigne ou doie tenir ensic doudit Jehan de Bruille, 57 et il li en pleust à aviser \35 ledit Jehan dou Bousson, 58 il le cogninstroit à tenir de li comme de son cher seignour. 59 Ou tesmoingnage de la quelle chose nous havons saelé ces lestres \36 doudit seel à la relacion doudit juré.· 60 Donné en l'an de grace. mil. trois cenz. et. quinze., le dimanche devant la feste de saint Barnabé apostre.