Téléchargement du document

Documents linguistiques galloromans
Corpus : chartes de la Nièvre (chN)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chN 010

Le lundi après les octaves de la Chandeleur, février 1311 [n. st.]

Type de document: charte: enquête (vidimus)

Auteur: Henri de Thienges, seigneur de Valeri; l'abbé de Saint-Laurent de Nevers

Sceau: Auteur

Support: Original parchemin jadis scellé

Lieu de conservation: AD N 2 G 12, n°19

1 A tres hauz,· tres saiges· et tres puyssenz homes les maistres de la court nostre seignor le roy tenez le parlement,· 2 l'abbés de Saint Laurent, \2 l'abbaye et Henriz de Thienges sires de Valeri chevaliers honour et reverence, 3 et aux apparelliez à leur commandement.· 4 Nous receumes les \3 lettres dou dit nostre seignor le roy contenanz la forme qui s'ensuit:· 5 [Partie] [latine][,] [charte] [datant] [de] [1309] 6 Par la \4 vertu de la quele comission nous faismes adjorner par devant nous à Neverz en l'oste des freres Menours les doues parties au mecredi \5 apres la nativité saint Jehan Baptiste l'an .M·. III C. et. dis. 7 à aler et proceder avant par devant en la dite enqueste et sus les \6 articles dessus diz.· 8 A la quele dite jornee· je Henri dessus diz ne po estre por rayson de lost de lyon et la demanday aux \7 dites parties sanz jornee.· 9 Item apres ce à la requeste dou procureur des diz evesque, doyen et chapitre· 10 nous abbés et Henriz dessus \8 dit faismes adjorner les dites parties par devant nous à Neverz en l'oste des diz freres Menours, 11 au mecredi en la quinzene de \9 la nativité nostre Dame apres ensigant et aux jourz apres, 12 à continuer de nous à aler et proceder avant en la dite enqueste selonc \10 ce que raisons seroit. 13 A la quele jornee [nous] [fumes] ^[1] present au dit leu et oismes cele jornee et les autres jornees ansiganz \11 14 que nous continuames de celi aux dites parties tout ce que les dites parties vorrent dire, proposer et prover, 15 et tout avons enclux \12 en nostre enqueste.· 16 Et ce fait nous encor derrechief continuames et assignames jornee par devant nous aux dious parties à Neverz \13 en l'oste dessus dit, 17 au mardi apres la quinzene de la Touz_sainz et aux jourz apres ansiganz, 18 à continuer de nous à aler avant \14 en la dite enqueste tant comme raisons douroit.· 19 A la quele jornee nous fumes present au dit leu et oismes cele jornee \15 et les autres que nous continuames aux dites parties tout ce que elles vorront dire, proposer et prover, 20 et tout avons enclux \16 en nostre dite enqueste.· 21 Item ancor apres ce nous d'abundant assignames et continuames jornee aux dites parties par devant \17 nous au leu dessus dit 22 au dimanche apres le moys de Noel ensigant et aux jourz apres, 23 à continuer de nous à aler \18 avant en la dite enqueste tant come raisons seroit. 24 Et enjoussimes aux procureurs des dites parties que il à la dite jornee \19 amenassent leur tesmoingz et leur preuves se nus en voloient plus amener ne riens prover, 25 et que il deissent, \20 proposissent et baillassent tout ce que il vorrient dire, proposer et bailler, 26 car nostre entencions estoit à la dite jornee \21 enclorre tout nostre proces et nostre enqueste et à vous envoier.· 27 La quele jornee nous abbés et Herarz dessus dit pour certaine \22 cause remuasmes et contremandames aus dites parties et à leurs procureurs,· 28 et leur continuames et poilloignames et assignames \23 jusques au dimanche apres les [octaives] [de] ^[2] la Chandeleur procheine ensigant au leu dessus dit 29 à aler avant \24 en la dite enqueste selonc touz c-- et touz proces.· 30 A la quele jornee nous fumes present et leur continuames \25 jusques à landemain au matin. 31 A cele jornee au matin nous demandames es procureurs des dites parties se il voloient \26 plus amener nus tesmoingz ne autres proves, li quel deirent que non.· 32 Acceptees troys persones c'est assavoir \27 sire Jaquelin Trousseau, Phelippe Poys Avant et maistre Guillaume de Chasteau Neuf, tuit de Borges, 33 les quex li procureurs \28 dou dit conte avoit fait adjorner par devant nous au leu et au jor dessus dit si come il disoit, 34 li que \29 ne estoient pas venu, 35 et apres pluseurs raisons proposees de une partie et de autre sus le debat des diz tesmoingz \30 36 fu acordé des procureurs des dites parties 37 que nous envoiriens aux diz tesmoingz Phelippe Giron clerc et Parrin de Parton \31 38 et leur bailleriens souz noz seaus la copie et le trancrip des articles sus les quex li procureur doudit conte les \32 entendoit amener, 39 et sus ces articles articles recevront les seremenz et la verité des diz tesmoingz et en la usence \33 des diz procureurs, 40 et les deposicions des diz tesmoingz mettront en escrip et les nous envoieront ou apporterent \34 souz leur seaus.· 41 Et ce li dit Phelippes et Parrins fairont et acompliront et aux couz doudit conte dedanz les Brandons \35 prucheins à-venir, 42 aux quex Phelippe et Parin de la volenté des diz procureurs. 43 Quant à ce fere nous aviemes nostre poer \36 receu premierement le serement d'aux que bien et leuament il fairient ce.· 44 Et par tant nous conclusmes en nostre enqueste \37 tant come à nous appartient,· 45 sanz les protestacions d'une partie et d'autre qui sont encloses en nostre enqueste.· \38 46 Ou tesmoing de la quele chose nous avons seelees ces presentes lettres de noz seaus, 47 donné à Neverz le lundi apres \39 les octaives de la Chandeleur l'an de grace. mil·. troys-cenz. et. dis.··

Notes de transcription
^[1] Mss: parchemin troué.
^[2] Mss: parchemin troué.