Téléchargement du document

Documents linguistiques galloromans
Corpus : chartes de la Nièvre (chN)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chN 005

Le 4 novembre 1297

Type de document: charte: donation pieuse

Auteur: Louis, comte de Nevers

Sceau: auteur

Support: Original parchemin jadis scellé

Lieu de conservation: AD N H 491, n°5

1 Nous Looys cuens de Neverz et de Rethest 2 faisons savoir à touz ces qui verront ces presentes letres 3 que nous en \2 ensivant les bones euvres de noz devantiers pour Dieu et en aumosne ostroions que la maisons de Saint Ladre de \3 Neverz tiengne, hait et possoie paisiblemant et haireditablemant à touz jourz mais, 4 touz les hiretages qui hont esté ac\4quis juques au jour de hwi par cui que ce soit· et par quelcomque cause· soit en aumosne,· en pur don,· soit par eschan\5ge soit par vente ou en autre maniere quele que elle soit,· 5 quelques les choses soient, ou fiez, rerefiez, dem[aines], ^[1] cen\6sives ou fiez despetiez ou mis à cens.· 6 Et volons que la dite maisons Saint Ladre puist tenir totes ces choses perpe\7tuelmant et paisiblemant sanz ce que nous, nostre hoir, nostre successour ne cil qui de nous hau[oit] ^[2] cause ne puissons contraindre celui qui pour le temps sera maistres de la dite maison Saint Ladre, à me[itre] ^[3] ces choses acquises \8 heurs de la main de la dite maison.· 7 Encois totes les choses acquises juques au jour desus dit nous admortissons \9 quant en nous est.· 8 Et volons que la dite maisons les tiengne comme admorties sauve nostre justice et nostre soverai\10neté là où nous l'avons,· la quele nous i-retenons par la teneur de ces lettres.· 9 Et à tenir et garder totes ces choses \11 nous obligons nous, nos hoirs, noz successours et ces qui hauront cause de nous. 10 En tesmoing de \12 la quele chose nous havons fait meitre nostre seel en ces lettres, 11 faites en l'an de grace mil deus cenz qua\13trevinz et dis sept· le lundi empres la Touz_sainz.·

Notes de transcription
^[1] Parchemin plié.
^[2] Parchemin plié.
^[3] Mss: parchemin froissé.