Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu089

1294 n. st. janvier 13

Type de document: charte: donation

Objet: Renaud de Bourgogne, comte de Montbéliard et Hugues de Vienne ont reçu de frère Amidieu abbé du Mireur quarante-huit livres estevenants pour la réfection du puits de Lons-le-Saunier et pour douze montées de muire.

Auteur: Renaud de Bourgogne, comte de Montbéliard; Hugues de Vienne

Disposant: abbaye de Mireur

Sceau: cours des auteurs

Bénéficiaire: abbé de Notre-Dame du Miroir

Rédacteur: CMontbéliard!

Lieu de conservation: AD Jura 17H 22.1

Commentaire: Formule finale inhabituelle

1 Nos Renaux de Borgogne cuens de Montbeliart· et Hugues de Viennois sires de Lemey et de Pymont· 2 façons savoir à toz \2 cex qui verrunt et orrunt cex presentes lettres· 3 que nos havons recehu et haü dou religioux home frere· Amideu?· abbé dou Mi\3rour et dou covent de cel maisme lué de l'ordre de Citiax· 4 quarante huit livres de bons estevenins· por la cause et \4 por la fayeture dou poys de Lons· et por doze montees de muire framches les quex il hont et doivent havoir ou dit pois \5 de Lons emsi cum il le dient· et de la dite pecune nos nos tenons por bien paiez en bons deniers numbrez· 5 aprés nos les \6 mettons en veraie· paisible et pure possession des dites doze montees de muyre et les lour baillons et delivrons \7 en bone paix por faire lour proffit et lour volunté.· 6 Aprés nos volons, outroions et comandons que li diz· abbes et li \8 diz covenz dou Mirour puissent ordener ou faire lour bone volunté de la dite muire per lour· ou per \9 autrui· totes les foiz que il voudront 7 et que il lour muire puissent comander, loyer ou accensir à cui que il voudront \10 et faire lour plaisir et lour profit semz nul contredit ou empachement de nos ou des nos genz· [emsi] [cum] [acostumé] [l]'[ont] ^[1] saul le droit de nos \11 et d'autrui.· 8 En tesmoignage de la quel chose nos havons comandé et fait mettre en cex lettres les seax de nos cours \12 9 faites et donees le jour de feste saint Ylaire l'an nostre Seignour corrant per· mil· doux cenz· nonante \13 et trois ou mois de janvyer.· 10 Cele superscription emsi cum acostumé hont loons et approvons escrit cum dessus.

Notes de transcription
^[1] surscrit.