Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu088

1294 n. st. janvier

Type de document: charte: donation

Objet: Hugues abbé d’Acey rapporte que Villermat le Guernier de Vitrey laisse tous ses biens ainsi que la fidélité d’Hugues comme homme taillable à sa femme s’il meurt sans héritiers.

Auteur: Hugues abbé d'Acey

Disposant: Villermat Guernier de Vitrey

Sceau: auteur

Bénéficiaire: abbaye d'Acey

Autres Acteurs: Willermate femme de Villermat

Rédacteur: AbbAcey!

Lieu de conservation: AD Jura 15Hps 264

Commentaire: /ef/ pour [-e]: outroief

1 Nos frere Hugues abbes et li covanz d'Acey 2 façons savoir à touz ces qui verront et orront ces presan\2tes letres· 3 que en nostre presance estaubliz et por ce especialmant veignanz per devant nos; Villermaz li Guer\3niez de Vitruis nostre borjois· ai recoignu de sa propre volanté sanz nul controignemant; 4 que il per nostre volanté \4 et per nostre outroi; et per l'essantemant de nos· ai doné et outroief permaignablemant et volt; 5 que Willermate sa famme \5 se ainsic estoit que li diz Willermaz defaillest devant lei· sanz hoyrs de lor cors que je ne soit; que ale aprés \6 son decest et sui hoyr aient et taignent permaignablemant et heritablemant de nos come neustre home \7 taillauble et esploitable; toutes les choses que demorroient de lui aprés sa mort· 6 c'est à-savoir· en heritaige de ter\8res· de moubles de possessions et en toutes autres choses en queque leu que ales fussoiens ne porroient estre trovees. \9 7 Et que ale et sui hoyr an soient héritté permaignablemant sanz contredit d'autrui.· 8 Ou tesmoignaige de la \10 quel chose· nos devandiz frere Hugues per la volanté de nostre covant· et per la requeste dou dit Willermat avons \11 mis nostre seal en ces presantes letres· 9 que furent faites et donees l'an de grace qui corroit per mil et CC· et nonante \12 et trois ou mois de jenoier.