Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu086

1293 n. st. mars

Type de document: charte: vente

Objet: Huguenin fils de feu Huguenin dit Champenois, d’Arbois a vendu à Guiot dit de Pupillim, clerc d’Arbois, huit sous estevenants censaux assignés sur deux maisons à Gilley, pour quatre livres et cinq sous estevenants.

Auteur: Huguenin fils d'Huguenin Champennois d'Arbois

Disposant: auteur

Sceau: cour du comte de Bourgogne à Arbois

Bénéficiaire: Guiot Pupillim clerc d'Arbois

Autres Acteurs: Villemate mère d'Huguenin

Rédacteur: PrArbois!

Lieu de conservation: AD Jura 21 G 93

1 Je Huguenins fiz çay^$en^$arriers Huguenin dit Champaneis d'Arbois 2 fais savoir à-touz cex qui verront et orront cex presentes \2 lattres 3 que je du lox et du consentement Villemate ma mere, ay venduz quitez et outreié permeignablement Guiot dit de Pupillim \3 d'Arbois, clerc, et es siens, 4 huit souz estevenens censals appaier chescom· an· à-touz jors mais luy ou es siens ou à-lour \4 comandement Arbois lo jor de feste seint Martin d'iver, 5 les quex huit souz censals je ly ay asis, asignez et asetez sus doues \5 maisons sus les chesals et sus les appendisses que sient en Gilley, c'est à-savoir sus la maisom à-clerc Girot treis souz et \6 sus la maisom à Seillart, fiz à-la Vaite, cinq souz. 6 Et les ly ay venduz per lo pris de quatre livres et cinq souz d'estevenens \7 des quex je me suis tenuz per biem paié dou dit Guiot en deniers leialment nombrez à-tens de la vendue faite. 7 Et \8 des huit souz estevenens censals et de l'essisse me suis desvetiz et lou dit Guiot por luy et por les siens en ay envesti \9 et ay promis et promat per mon seirement doné et toichié sus seint Heuvangille au dit Guiot et es siens des diz \10 huit souz censals et de l'essisse porter leial gaurantie contre toutes genz. 8 Et que contre ceste vendue per mei né per autruy \11 em plet né fors de plet em apert né en rescondu dey^$cy^$en^$avant né vindray né consentray que nyons ^[1] il viene. 9 Et je \12 Villemate desus nommee ay louee et lox ceste vendue et toute la tenour de cex lattres senz gemais aler encontre de mei né \13 des miens per mon seirement doné et toichié sus seint Heuvangille. 10 Et ay promis et promat per mon doné seirement au dit Guiot \14 et es siens les diz huit souz censals et le ^[2] l'essisse gaurandir et appaisier contre toutes genz à-la defaute dou dit Huguenin mon \15 fil et renonceis en cest fait à-touz benefices de mariaige et de douaille. 11 Et por ce fermement tenir nos Huguenins et Villemate \16 sa mere enleions nos et nox chouses en la cort et en la juridiciom lo conte de Bourgoigne. 12 En-tesmoignage de verité nos avons requis et \17 fait mattre en cex lattres lo seel de la dite cort dou quel l'om use en Arbois 13 l'am nostre seignor corrant per mil doux cenz \18 nonante et doux hu meis de marz.

Notes de transcription
^[1] pour 'ne aucun'
^[2] pour de.