Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu084

1292 novembre

Type de document: charte: vente

Objet: Huguenin fils de feu Huguenin dit Champenois, d’Arbois a vendu à Eudes, prieur d’Arbois, une vigne pour soixante sous estevenants.

Auteur: Huguenin fils d’Huguenin dit Champenois, d’Arbois

Disposant: auteur

Sceau: cour du comte de Bourgogne en Arbois

Bénéficiaire: Eudes prieur d’Arbois

Rédacteur: PrArbois

Lieu de conservation: AD Jura 2H 1332.5

Verso: /.l/. de Huguenim Champenois de l'a chait de une vigne en noveles

1 Je Huguenins fiz çay^$en^$arriers Huguenin diz Champaneis d'Arbois 2 fais savoir à-touz cex qui verront et orront \2 cex presentes lattres 3 que j'ay venduz et outreié permeignablement et frenchement à-religiouse persone Huede prior d'Arbois \3 et à-ses suscessours 4 une vigne que siet en Novelles delez la vigne Jaquemin dit Molein et en la \4 vigne au dit Huede prior d'Arbois 5 per lo pris de sexante soulz d'estevenens des quex je me suis \5 tenuz per biem paiez dou dit Huede prior en deniers leialment nombrez à-tens de la vendue faite 6 et \6 de la vigne me suis desvetiz et lou dit prior por luy et por ses suscessours en ay envesti et ly \7 en ay promis porter leial garantie contre toutes genz per ma fei donee de mon cors. 7 Et por plus grant \8 seurté avoir de porter la garantie, je obligei et delivrey au mentenant es mens au dit prior une vigne \9 que siet en ce lué delez la vigne Vienat de Chamblay por torner en sa proprieté et en som demeinne se je \10 ly defailloie de porter la garantie et je la promat garantir et appaisier contre toutes genz 8 et est \11 à-savoir que je ay doné et outreié em pure et permeignable ammone au dit prior et à-ses suscessours tout ce que la \12 devant dite vigne vaut plus de ce que je l'ay vendue 9 et por ce fermement tenir je enloie mei et \13 mes chouses en la cort et en la juridiciom lo conte de Bourgoigne. 10 En-tesmoignage de verté j'ay requis et fait matre \14 en cex lattres lo seel de la dite cort du quel l'on use en Arbois, 11 l'am nostre Seignor corrant per mil-doux \15 cenz nonante et doux hu meis de novembre.