Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu081

1292 mai 27

Type de document: charte: mise en gage

Objet: Guillemin Humbert et Jean fils de feu Jean Petit de Mirebel, ont mis en gage aux héritiers de Johannier dit Faret de Grandval, le Bâtard, pour vingt livres estevenantes pour lesquels Jean Petit s’était porté garant auprès du seigneur Jean de Vienne, seigneur de Mirebel.

Auteur: Guillemin Humbert et Jean fils de Jean Petit de Mirebel

Disposant: ?

Sceau: Jean de Vienne, seigneur de Mirebel; Renaud abbé de Baume

Bénéficiaire: prieur de Grandval; abbaye de Saint-Oyand

Rédacteur: PrGrandval!

Lieu de conservation: AD Jura 2Hps 49

1 · Nos Guillemins Humbers· et Jahans· fiz çay^$en^$arriers Jahan Pitit de Mirebel· 2 façons savoir à toz 3 que com Jahans diz Pitiz de Mirebel, nostres \2 freres qui mors est, haust plagié Johanier dit Faret de Grant Vauz le bastar, de vint livres d'estevenins en la main nostre amé \3 seignor mon si Jahan de Vianne seignor de Mirebel, qui pris le tegnoit de guerre· 4 et nos heussiens gagié les hoirs dou dit bastar \4 por les damages les quex havoiens receü por la cause de la dite plagiere· et li force de Grant Vauz nos heussient reços \5 les gages· et por ce nos heussient pris Perrenet dit Ruphye de Grant Vauz qui à la recosse avoit esté· 5 nos per \6 convenaz havons acordé en la maniere et en la forrme qui ci aprés est escripte· 6 C'est à savoir que nos devant diz freres \7 havons quité et quitons dou tot à toz jors por nos et por nos hoirs et por nos suscessors· à religiouse persone et honeste à prior \8 de Grant Vauz qui orendroit i est et à toz soes suscessors et es homes de Grant Vauz et à toz les homes de l'iglise de \9 Saint Oiant 7 tel droit tel raison· tel accion· come nos poens havoir et doivens vers lour per raison de la plagerie \10 et de la recosse dessuz dite· especialment le dessuz dit Perrenet Rufye· exceptez les hoirs dou dit bastar contre les-quex nos \11 retignons à nos tot nostre droit et tote nostre accion por raisom de la plagerie de lour pere dessuz dit· 8 les quex hoirs nos \12 dessuz diz freres ne poons controindre per plait ou per gagement fors de la seignoirie et de la justise de Grant Vauz· \13 tant com ciz qui saroit sires et juges dou dit lué de Grant Vauz les nos voudroit tenir à droit.· 9 Et se ensi estoit que \14 nos feissiens le contaire ou li uns de nos· nos volons· et outreons havoir perdu tot nostre droit tantost contre le hoirs \15 dou dit bastar· et prometons sollempnament à dit priour et à ses suscessors que nos dois ci en avant ne mesfarons riens \16 à lui né à ces de Grant Vauz né de la seignoirie dou dit lué· se ce n'est avoc le propre cors de nostre devant dit seignor ou \17 avoc sa banniere por sa besoigne.· 10 Et totes ces choses ci dessuz dites ensanble et une chascune per soi nos havons promis por nos et por \18 les nostres ensi com dessuz à devant priour por lui et por ses suscessors et à toz les homes de Grant Vauz aussi per mens soirement donés \19 corporalment suz sainz Euvangiles· tenir et garder fermament senz jamais aler encontre· 11 por dix livres d'estevenens les quex nos \20 havons heües et receües en buens deniers nombrez dou devant dit prior et nos en tegnons por paiez.· 12 Ou tesmoig des quex \21 choses nos havons fait seler ces lettres des seez· dou devant dit mon si Jahan de Vianne seignor de Mirebel· et de mon seignor \22 Renaut per la grace de Deu humile abbé de Baume.· 13 Et nos devant diz Jahans de Vianne· et freres· Renaut· per la grace \23 de Deu humiles abbés de Baume, havons mis nostres seez pendanz en cestes lettres· à la priere et à la requeste des \24 devant diz Guillemin, Jahan et Humber, freres.· 14 On tesmoignage de verté· ce fu doné le mardi aprés \25 Pentecoste l'an· corrant· per· mil ·CC· nonante· et dous.·