Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu080

1292 mai 13

Type de document: charte: vente

Objet: Gérard fils de feu Pierrenet Arvillar, bourgeois de Salins et Bonette, sa femme ainsi que Nicolet, leur fils doivent trois sous de cens annuel à l’abbaye de Goaille pour une maison située à Salins etc.

Auteur: Gérard fils de Pierrenet Arvillar et Bonette sa femme

Disposant: auteurs

Sceau: cour du comte de Bourgogne à Salins

Bénéficiaire: Guillemin Rougete

Rédacteur: CBourg!

Lieu de conservation: AD Jura 20H 172

1 Nos Girars çay^$en^$arries filz Perrenet Arvillar bourgois de Salins· Bonete, femme dou dit Girard \2 et Nicholet, lour filz, 2 façons savoir à touz· 3 que cum nos hains une maison qui doit à-l'abaie de Goile trois solz de \3 cens chescom anz à-la feste Saint Andree l'apostre, assise en bourc franc de Salins· d'une part selonc la-porte par quoi l'en \4 vait à molin de Saint Oyant· et selonc la maison qui est Guillemin Rougete de Salins, clerc, et Perrenin, filz Jehannet· 4 et \5 dure deis les murs de la closon de la ville la dite maison et les appendises tanque à la rue par quoi l'on vent es freres \6 minours· 5 et nos en hains doné permanablemant de la dite nostre maison et des appendises por servises à Guillemin Rougete \7 dessus dit doux piez de largue devers la maison dou dit Guillemin et dou dit Perrenin per paianz quatre deniers dou dit \8 cens. 6 Nos li devant diz Girars· Bonete· et Nicholet non mie contraint ne deçuz en aucune maniere mais de-nostre bone volunté \9 disons et confessons en verté que nos pour nostre besoins à-faire havons venduz· vendons· quittons· et outrions permanablemant et \10 senz rapeller à devant dit Guillemin Rougete et es ses hoiers on cui il l'outroiroit 7 quatre piés et doues doies nuz \11 senz fuste de Largue es prés le conte de Chalon· de nostre dite maison et dou trefon et des appendises· en_seganz et devers les \12 dit deux piés que nos li havons doné 8 les quex quatre piés et doues doies nos li havons venduz por paianz huyt deniers \13 des dit trois solz de cens à dit leuf et à-terme dessus assignez· por le pris de siex libr. et dix solz de bons esteven. que \14 nos havons haüz et reçuz dou dit Guillemin et nos en tenons por bient paiez em bons deniers nombrez.· 9 Et est à-savoir que li loux \15 et les missions sunt compees en la dite somme d'argent.· 10 Des quex quatre piés et doues doies nos nos devistons et li dit \16 Guillemin Rougete et les suiens[...] ^[1] envestoms et le-mettons em possession [corporel] ^[2] ainsi per la tradition de cestes lettres \17 11 promettanz pour nos et pour les nos à dit Guillemin Rougete et à ses hoiers ou cui il l'outroiroit per nostre soiremant \18 fait sus saint Evengiles et sus l'obligacion de touz nos biens· 12 et especialmant sus l'obligation dou remanant de la di\19te maison que nos obligons en la main dou dit Guillemin et de ses hoiers· pour tenir fermemant et garder li dite vendue· 13 et \20 loialmant gaurantir· defendre et apaisier les dit quatre piés et doues doies· contre touz· ades· et en touz leuf· à-nos \21 propres despens· et que nos ne venrons jamais contre ceste vendue per nos né per autre· en touz né en pertie· né consentrons ^[3] \22 que autres pour nos il viene dois^$ores^$en^$avant· en fait né en paroles apparamant né resconduemant· 14 renunçanz \23 en cest fait per nostre soiremant et sus l'obligation dessus fait· et per stipulation sollempnez· à-l'esception dou dit argent \24 non mie haüz ne reçuz en touz ne en pertie et non mie en nostre profeist tornez· à l'esception de mal et de barait· à-la-decep\25tion en outre la moitié dou droit pris· à toutes indulgences et privileges empetrez et à-empetrer· à toutes raisons· decep\26tions· et allegacions et à touz droit escript et non escript de canon et de lois et de costume per quoi l'on porroit rapeller la dite \27 vendue et especialmant à droit disanz la-renunciation general non mie valoir.· 15 Et je la dite Bonete renunce en cest \28 fait per mon soiremant à touz benefices de doaire et de mairiaige disonz en verté que mes doaires et mes mariaige me sunt \29 assis suffisammant autre part d'où je me tien por bien paié.· 16 Et pour ce tenir fermemant et garder senz corrum\30pre nos obligons nos et touz nos biens present et à^$venir en la court le conte de Bourgoigne· senz riens dire ne pro\31ver contre cestes lettre forsque per lettres saelees dou seal de la dite court.· 17 En tesmonaige de la quel chouse nos li diz \32 Girars· Bonete et Nicholet havons requis et fait mettre en-ces lettres le seal de la dite court dou quel l'on use à \33 Salins· saelees et delivrees per Estene Berengier et per Vinet Pancepin clers de Salins· 18 donnees en l'anz mil· doux \34 cent· nonante et doux le mardi devant l'accension nostre Siegnour.

Notes de transcription
^[1] mot illisible.
^[2] trou dans le parchemin.
^[3] pour: consentirons.