Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu069

1287 novembre

Type de document: charte: litige

Objet: Jean de Chalon comte d’Auxerre rapporte un conflit qui oppose Barart, prieur de Saint-Oyand, et le seigneur Jean de Binans, chevalier, au sujet des dîmes de la paroisse de Saint-Aignan de Rosay.

Auteur: Jean de Chalon, comte d'Auxerre (et seigneur de Rochefort)

Disposant: abbaye de Saint-Oyand; Jean chevalier de Binans

Sceau: auteur

Bénéficiaire: ?

Autres Acteurs: official de Besançon

Rédacteur: CAuxerre!

Lieu de conservation: AD Jura 2Hps 299

1 Nos· Jehans de Chalon cuens d'Aucere· 2 façons savoir à touz ces qui verrunt et orrunt ces presentes \2 letres· 3 que com descors fust mehuz· entre frere Barart humile et religious priour de Saint \3 Oiant et lou covent de cel meisme leu par-raison de l'iglise de Saint Oiant d'une part· et mon soignour \4 Jehan de Binant chevalier d'autre part· 4 par raison des dismes de la parroiche de Saint Aignan de Rosey \5 li quels estoit es diz religioux· ansin com il effermoient dou quel disme il avoient fait ajorner \6 lou dit mon soignour Jehan de Binant par devant l'official de Besençon· et pour segner lou plait tant que \7 à sentence diffinitive.· 5 Et avoient fait lou dit Jehan excomm_unier per la sentence dou dit \8 official· pour chouse jugié par raison dou disme dessus-dit· ansin com il effermoient.· 6 Li dit \9 religioux ont confermé à la priere et à la requeste de nos· essodre lou dit mon soignour Jehan· \10 7 en tel menere que li diz mes sire Jehans ai promis per son sairement donei sur sainz Evangile \11 corporelment es diz religioux par devant nos· de atendre et de tenir lou regart ou lou droit \12 de nostre cort· senz plait· senz dilation· senz attreation?· et senz reclain· ne rapel d'autre cort· \13 de yceu que li dit religioux li seront demander es dismes dessus diz· 8 et de la plaigerie d'ou \14 nous lour sumes tenuz de saxante et dix livres· pour lou dit Jehan dou fié qu'il tient de lour qui \15 il lour ai obligié ansin com il est contenuz en une letre qu'il an ont seelee de notre seel.· 9 Et sé \16 ansinc estoit que li dit disme fussent ajugié es diz religioux pour lou droit ou par lou \17 regart de notre cort· et li diz mes sire Jehans· ne lour pehust faire delivrer les diz \18 dismes pour aucun tans· li diz mes sire Jehans met· et obligé en nostre main· à Laudes diz \19 religioux lou fié que il tient et doit tenir des diz religioux· 10 c'est à savoir de l'abbey et dou covent· de Saint Oiant· ou territoire de Missie· de Sancié et de Chambarie· et en \20 quelque leu qu'il lou tiegne ou doit tenir· s'il lou droit et l'obligation que li dit religioux re\21claiment es fiez dessus-dit que li diz mes sires Jehans tient ou doit tenir de lour.· 11 Et veat \22 et outroie li diz Jehans que se li droiz de notre cort ou li regars· aportoit les dismes desus-diz \23 es diz religioux· et il ne les lour pooit delivrer par aucun caux· que nos delivressons es diz \24 religioux autant vaillant de son propre herietaige li quels est dou fié es diz religioux· \25 12 Et est enloiez en nostre main-à loe des diz religioux.· Et toutes ces chouses dessus-dites ai promis \26 li diz mes sire Jehans garder et atendre· fermement· en pais· et senz plait· par son sairement \27 donei sus Sainz Evangiles corporelment.· 13 Et nos li dessus-diz Jehans cuens d'Aucere· avons \28 promis· en bone foi es diz religioux· faire à joir de la dite obligation que mes sires Jehans \29 dessus-diz ai fait en nostre main à sat des diz religioux· Et de tel droit et de tel rai\30son com il lour serai ajugiez pour lou droit ou pour lou regart de nostre cort.· 14 En tes\31moign de la quel chouse· à la priere et à la requeste· dou-dit mon soignour Jehan de \32 Binant· nos avons fait matre nostre seel pendant en ces letres· donees· 15 l'an de grace \33 corrant par mil doux cenz quatre_vinz et sept· ou mois de novembre.·