Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu068

1287 mai

Type de document: charte: donation

Objet: Isabelle de Gendre fille de feu Oudot de Champagne confirme les donations faites à l’abbaye d’Acey par Sébille, sa sœur, et Estevenot dit Sordot, le mari de la dernière, correspondant à la terre de Villermot et aux fiefs de Gendre et de Frasne, pour soixante sous estenvenans.

Auteur: Isabelle de Gendre

Disposant: auteur

Sceau: cour du comte de Bourgogne à Dole

Bénéficiaire: abbaye d'Acey

Autres Acteurs: Huguenot mari d'Isabelle; Estevenot fils d'Isabelle

Rédacteur: AbbAcey!

Scribe: Guillemain

Lieu de conservation: AD Jura 15Hps 33

Verso: peraume

1 Je Hysaberlz de Gendre çai^$en^$arriers fille Oudot de Champaigne et feme Huguenot au fil Perrenot Hertier· 2 fais savoir· à touz ces qui verront et orront ces presentes letres· 3 que je sanz force, sanz \2 barat· sanz paour· de mon gré et de ma propre velunté· per lou comandement per la velunté et per l'essantemant· dou dit Huguenot mon mari et de Estevenot mon fil· dit Sordot \3 ai doné et outroié· permaignablemant 4 à l'abbé et au covant d'Acey· sanz nule chose retenir pour moi ne pour les miens· en pure et en perpetual almosne faite sollempnel donation entre \4 les vis· pour lou remede· de m'arme· et des armes à mes ancessours.· 5 et confermoi· et tien pour bien faites toutes les almosnes· les outrois et les donations que Sebile ma suers de Paigne \5 et Estevenoz diz Sordoz ses mariz· lour ont faites et outroiees çai^$en^$arriers· c'est assavoir lou mes Villermot au clerc· de Vitruis· et les apertenances dou dit mes· lou fef· au baul de \6 Gendre· et lou fié de Frasne· ensamble les apertenances toutes· des diz fiez· plenierement et delivrement· tout assi comme il contient en lour letres· que il ont dou dit mes et des diz fiez.· 6 Et \7 nos li desus dit Huguenoz· mariz de la dite Hysabel· et Estevenoz ses filz· de nostre espoine gré pour lou remede de nos armes· toute deliberation saine sus ce haüe· et pour la remune\8ration de sexante solz d'estevenans que nos avons haüz· et receüz· dou dit abbé et dou covant· d'Acey et nos en tenons· pour bien paiez en monoie numbree· 7 les dites· almosnes· la dite do\9nation· lou dit outroi· nos confermons· outroions et quitons· tout lou chalonge· toutes les raisons· que nos aviens ne poviens né daviens avoir né nos· né noustre hoir ou dit més né \10 es diz fiez tout ausi come il est desus noutez.· 8 Et nos sumes desvestu· et desvestons tuit ensamble· et chascuns per soi· de nostre espoine gré dou dit més· des diz fiez· et des apertenan\11ces toutes· en queque leu que eles soient· sanz nule chose retenir pour nos· né pour nos hoirs· et lou dit abbé et lou covant· d'Acey an avons· envestu et envestons· ou ausi cum mis· en corporel pos\12session et en perpetuel· per ceste presente letre.· 9 Et avons promis et promatons· nos la dite Hysabels· Huguenoz et Estevenoz· lour filz au dit abbé et au covant d'Acey· per nos soiremanz donez \13 corporelment sus sainte Euvangile· cest don· cest outroi· ceste· almosne· ceste-quitance· et toutes ces choses desus dites· tenir et garder· loialment· et entierement· et en nul temps encontre· aler \14 per nos ne per autrui· en recele ne en apert en queque meniere· en queque leu que ce soit.· 10 Et s'il avenoit· que i-ai? ne soit· que aucuns lou an alest encontre· que nos ne vuillissiens garantir nos sumes tenu \15 de randre arriers et de paier· au dit abbé et au covant· d'Acey· les sexante desus diz entierement sanz nule diminution.· 11 Et avons renuncié et renunçons per nos soiremenz desus diz· en icest fait \16 pour nos et por nos hoirs especialment et expressement· à toutes exceptions· raisons· et allegations· de droit· de fait· de costume· ou d'usaige· les quels dois or en avant contre ces letres porroient \17 estre dites· ou obiciés· en jugement ou de-ffors· et à toutes graces donees et à doner· et au droit que dit que generaux renunciacions ne vaut.· 12 Ou tesmoignaige· de-la quele chose· nos avons \18 requis et fait metre en ces presentes letres lou seel de la court dou conte de Borgoigne· de que l'en use en Dole.· 13 C'est fait l'an de grace corrant per ·M·CC· octante et sept \19 ou mois· de may.· Guillemin.