Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu064

1286 mai 19

Type de document: charte: alliance

Objet: Jean de Chalon, comte d’Auxerre et seigneur de Rochefort, promet à l’abbaye de Saint-Oyand d’aider et défendre les hommes et leurs terres, ainsi que leurs fiefs en montagne. Jean doit répondre dans un délai de huit jours à une requête en aide par l’abbaye.

Auteur: Jean de Chalon, comte d'Auxerre et seigneur de Rochefort

Disposant: ?

Sceau: auteur

Bénéficiaire: abbaye de Saint-Oyand

Autres Acteurs: seigneur de Vaignarry; comte de Bourgogne; Renaut frère du comte de Bourgogne; comte de Savoy

Rédacteur: CAuxerre!

Lieu de conservation: AD Jura 2H 49

1 Nos Jaans de Chalon cuens de Auçuere· et sires de Rochifort· 2 façons à savoir à touz ceauz qui ver\2ront et orront ces presenz letres 3 que nos prometons à-bien et à foy bien apenscemant à religious ho\3mes à-l'abbé et al covant de Saynt Oyam de jour 4 que nos lour ayderons tant com nos vivrons to\4tes fois que meitiers lour sera· et nos en serons requis contre totes genz· à-deffendre lour terre \5 propre· que il tignent à-lour main· 5 et lour fiés que il tignent en Montaigne à grant force et \6 à petite et à notre pooir et à notre despens· 6 et lour prometons ausi que nos en lour besoignes pro\7pres que il auront à faire· né por lour né por lour maysons· né por lour fiés quant il auront à \8 faire en lour chié deis la Saune en çay en-tan-que à Geneve· que nos lour ayderons et farons ay\9dier à notre pooir à genz à-armes· à notres despens totes fois que il le requerront et meitiers lour \10 sera.· 7 Et ce nos devons faire per uit jors aprés ce que nos en seron requis et ceste aide nos lour \11 prometons faire contre totes manieres de genz tant com nos vivrons 8 for que contre le segnour de Vaig\12narry notre ainé frere· et le conte de Bergoigne et Renaut son frere et le conte de Savoye· les quez \13 nos en exceptons si ainsi estoit que li diz abbes et li covenz lour volisamt corre sus mas nos ne les \14 exceptons pas· à-deffendre la terre dou dit abbé et dou covent.· 9 Et de chose que nos ne notres genz per\15disaint en lour servise· nos ne lour poons né devons rien desmander et si aynsi estoit que notres \16 genz gaignesaint aucune chose lour servise façant il doit estre lour for que ce qui afeirroit à \17 recroire· 10 né il ne doivent faire pais à ceauz al cui domage il auront mené notres genz· né à ceauz contre \18 les quez nos aiderons lour terre à-deffendre· que il ne la facent nomeemant de nos auxi come de lour. \19 11 Et si aucuns contenz ensorgeit ou estoit· entre notres genz et les genz dou dit abbé et dou covent \20 de quelque chose que ce fust li diz contenz doit estre apaisiés et acordez par doux prodomes des quez \21 li uns doit estre de par nos· et li autres de par lour for que de celes choses de quoy chacuns devroit \22 avoir sa cognuissance.· 12 Et cestes covenances· et cest aliemant que nos façons al dit abbé· et al covent \23 nos lour prometons en bone foy sus le enliemant de touz notres biens· garder et tenir et atendre \24 bien et loialmant tant com nos vivrons· sens metre barre· né deffense en contre· né por nos· né por \25 autruy.· 13 En tesmoin de la quel chose nos avons mis notre sael pendant en ces presenz letres 14 faites et \26 donees à-Saint Oyam la dimenche davant l'Ascension en l'an de notre Segnour corrant per mil· et doux \27 cenz et quatre_vinz et six.·