Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu056

1283 n. st. janvier

Type de document: charte: vente

Objet: Nicolin dit du Champs, d’Arbois-Lay, et Chaponatte, sa femme, ont vendu un pré situé à la frontière du territoire d’Arbois, pour le prix d’onze livres et dix sous estevenants, à Chrétien dit du Champs, d’Arbois-Lay.

Auteur: Nicolin d'Arbois et Chaponatte sa femme

Disposant: auteurs

Sceau: cour du comte de Bourgogne à Arbois

Bénéficiaire: Chrétien d'Arbois

Rédacteur: PrArbois!

Lieu de conservation: AD Jura 2H1341

Commentaire: "hà" pour préposition 'à', "hu" pour 'au' et "hi" pour y

Verso: du pré de la Beurere

1 Nos Nicolins diz du-chan d'Arbois lais et Chaponathe fenme au dit Nicolin 2 façons savoir à-toz cex qui verront et horont cex presentes \2 latres 3 que nos de nostre bone velonthé por nox bessoignes despeechier avons vendu, quithé et hotroié permeignablement et freinchement hà \3 Crethin dit du chan d'Arbois lay 4 · on· pré asis en la Beuriere hu terretoire d'Arbois delez lo pré mon signor Huguon Chaponat et Jan\4nin son frere d'une part et d'autre 5 per lo pris de unze livres et dix soz d'estevenens des quex nos nos-sumes tenuz por bien \5 paiez du dit Crethin en deniers leaulment nombrez hu tens de ceste vendue faithe 6 et du dit pré nos-sumes desvestiz et lo dit Crethin \6 por luy et por les-siens en avons envesti et mis en corporaul possession 7 et avons promis et prometons per nox foiz donees de nox corz à \7 dit Crethin et es-siens du dit pré porter leaul guarandie contre tothes genz et que contre ceste vendue por nos né por autruy en-plait né \8 fors de plait, en apert né en-rescondu des^$ci^$en^$avant ne vindrons né consentrons que n'uns hi viegne 8 et renonçons per nox devant \9 donees foiz de cretheigne cience que nos ne puissons riens dire né opposer contre ceste vendue né contre la tenor de cex latres qui \10 nos ou es-nox, de dreit ou de fait puisse profeitier et à-dit Crethin ou es siens nuire. 9 Et je dithe Chaponathe per ma donee foy ha \11 renoncey à toz benefices de mariaige et de doele 10 et por ce fermement tenir· nos Nicolins et Chaponathe en_leons nos et nox choses en \12 la-cort et juridition lou conthe de Borgoigne. 11 En-tesmoignage de verthé nos avons requis et fait matre en cex latres lo seel de la dithe cort \13 du quel l'on huse en Arbois, 12 l'an de nostre Signor corant per mil dous cenz octanthe et dous hu meis de jenvier.