Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu053

1282

Type de document: charte: vente

Objet: Renaude fille de feu Guyon Clavatte chevalier de Salins et Humbert Monnet chevalier de Salins, tuteur de Jean, le frère mineur de Renaude et également fils du feu seigneur Guyon, ont vendu une maison à Salins avec le puits, la cave, le pressoir, le verger et toutes les autres dépendances, à l’abbaye de Cîteaux afin d’éponger des dettes laissées par le feu seigneur Guyon. Ils vendent pour les mêmes raisons deux vignes d’un vignoble à Salins, dont le prêtre et le clerc de l’église Notre Dame de Salins peuvent prendre chaque année deux sétiers de vin.

Auteur: Renaude fille de feu Guyon Clavatte chevalier de Salins; Humbert Monnet chevalier de Salins; prévôt de Salins

Disposant: Renaude fille de feu Guyon Clavatte chevalier de Salins

Sceau: cour du comte de Bourgogne à Salins; église Sainte-Anathoile de Salins

Bénéficiaire: Jean abbé et abbaye de Cîteaux

Autres Acteurs: Bauduin de Laier, mari de Renaude

Rédacteur: AbbCîteaux!

Lieu de conservation: AD Jura 17H 47

1 Je la Renaude jadix fille mon-segnour Guyon Clavate, chevalier de Salins et je messires Humbert dit de Monnet chevaliers \2 de Salins, tuterres et avoiers donez per Hugonin Grisirt, prevost de Salins du borc du contez de Burgoigne, à Jehanz, enfant frere \3 de la dite Renaude et fil jadix du dit mon segnour Guyon, 2 façons savoir à tout ces qui ceste presente letre verront et orront· 3 que nous \4 qui diliganment por nous et por les amis de moy la dite Renaude et du dit enfant avons regardez, considerez et enquis le profiet de moy, la \5 dite Renaude et du dit enfant, c'est assavoir pour paier à Juys et à Corsuis les detes qui sont demorees du dit mon segnour Guyon· 4 quar autre\6ment sen grant domaiges et sen grant grieves de moy, la dite Renaude et du dit enfant ni savions ne poions nous metre conseil 5 je la dite \7 Renaude per le loz per la volentez et per le consentement de Bauduin de Laier, mon mariz et je li dit tuterres et avoiers en nom de la tutele et de \8 l'avoerie du dit enfant avons venduz et vendons et en nom de pure et de perfaite vendue, baillons, quictons, outroions et delivrons à tout \9 jour mais permaignablement et sen rapeler· es religioux homes à frere Jehanz·· abbez de Cysteal et à covent de ce mayme leuz et à lours suc\10cessours ou cui il le vouroient outroier 6 la mayson qui fust à dit mon segnour Guyon ensamble le fon, le celier, le truil, le vergier derrier \11 et toutes les autres appendises de celi mayson· la quel mayson est assise à Salins ou borc dessus dit en la roe de Vi, chastelaine,· atochant d'une \12 part à Truyl Renaut Chastron, borgoy de Salins et d'autre part es chesal qui sont ou doivent estre es devant diz religioux. 7 Item \13 vendons per ainsi come per dessus does vignes qui furent à dit mon segnour Guyon· ensamble les appendises de celes· les qués vignes sont as\14sises ou territoire de Salins ou vignoble que l'on apele Grainges· des qués li une est assise pres ou derrier la dite mayson vendue, tochant d'une \15 part à la vigne des diz religioux et d'autre part à la vigne de l'ospital de Salins et l'autre si est assise en ce mayme vignoble aquis pres \16 de la premiere tochant d'une part à la vigne monsegnour Jehanz Quatre prevoire de Salins et d'autre part à une voie qui tent dois Salins ver \17 le priorez de Chasteal sus Salins 8 et denonçons es diz religioux en ceste vendue que les choses dessus dites vendues sont frainches quictes \18 et delivrees? de tout cens de toutes custumes et de toute servitute 9 forque de tant que li diz religioux devient avoir et penre chas\19con an une foiz sept sox de cens sus lo truil et sus lo chesal de celui truil· qui est des dites appendises de la dite mayson vendue.· 10 Et \20 li prevoires et li clers de l'iglise Nostre Dame de Salins hont et doivent penre chascon an une foiz doux sextiers de vin de aumonne \21 sus la dite vigne vendue qui est tochant à la dite vigne du dit hospital 11 et ces choses dessus dites et devisees avons nous venduz \22 pour lo pris de six vint et dix livres d'estevenens bons et despendables, les qués six vint et dix livres d'estevenens nous avons heües \23 et recehües en nom de pris des diz religioux à tens de ceste vendue· en bone pecune bien nombree· et nous en tenons por bien paez. \24 12 Et nous sumes devestiz des devant dites choses vendues et les diz religioux en avons envestiz per cestes presentes letres et les en a\25vons mis en vesture et en possession corporal ou assi come corporal 13 prometanz es diz religioux pour lour et pour lour successours et \26 pour ces cui il le vouroient outroier, je la dite Renaude pour moy et pour les miens por endroit de la moitié· et por endroit du tot \27 se la terre du dit enfant m'escheoit et je li dit tuterres et avoiers pour le dit enfant et pour les siens en nom de la dite tutele et avo\28erie per endroit de la moitié per noz soirement donez corporament sor saint Euvangiles deffendre, garantir et appaisier les devant dites choses ven\29dues contre toutes genz en tout leuz, per devant tout juges et per devant arbitres en jugement et for de jugement à nox propres despens et \30 toutes les foiz que nous en serons requis· 14 et que nous ne venrons jamais encontre ceste vendue dessus dite· per nous né per autruil· né ne con\31sentirons à aucon qui à-l'encontre vouroit venir· taisiblement ne expresscement 15 et abrenonçons en cest fait per nox devant donez soyrement· à \32 esceptions de la dite pecune non paee non nombree, non tornee ou profiet de moy la dite Renaude et du dit enfant à esception de maindre pris \33 à deception outre la moitié du droit pris à condicion sen cause à toute restitution, à tout droit de canons et de leis et à toutes raysons et \34 allegacions de droit et de fait qui porroient estre opposees contre cestes presentes letres expeciament à droit qui dist que general renonciations ne vat. 16 Item \35 je, la dite Renaude abrenonceis en ces choses dessus dites per mon devant donez soyrement· à tout benifice, à toutes rayson, action et reclamacion de \36 mariaige et de doaire certifiié de l'on et de l'autre. 17 Et reconois en veritez que il m'est en autre leuz soffisanment assignez por mariaige et pour doaire et \37 je li dit Bauduins de Layer, mariz de la dite Renaude· per le cui loz, per la cui volentez et per le cui consentement icele Renaude ha faite la vendue de\38vant dite per ainsi com il est contenuz et escript per dessus· establisse moy garanditour des choses vendues devant dites· ensamble ma dite femme· 18 et \39 promet per mon soyrement donez sor saint Euvangiles que je ne venrai jamais encontre ces choses dessus dites· per moy né per autruil· 19 et por toutes ces cove\40nences dessus dites et devisees, tenir et garder fermement· et por faire joir les diz religioux de nous se nous en deffaillions, je la dite Renaude· et \41 je li dit tuterres et avoiers en nom de la dite tutele et avoerie et je li dit Bauduins de Layer· obligons et submetons nous et tout nox biens \42 presenz et à^$venir en la juridicion de la cour du contez de Burgoigne et volons et outroions que l'on ne puisse rien dire ne prover encontre ceste \43 presente letre forque per letre saelee du seal de cele mayme cour.· 20 Et por ce que ceste vendue soit plus estable et plus ferme per endroit du dit enfant \44 je li dit tuterres et avoiers hai priez et requis le devant dit prevost que il ceste vendue confermast de sa auctoritez come sires et que il hi \45 mette son decret.· 21 Et je li dit prevost qui diliganment hai enquis le profiet et la necessitez du dit enfant et qui hai trovez et suis certains que ceste \46 vendue est faite por le profiet du dit enfant, conferme de ma aucteritez come prevost la dite vendue et por ce qu'ele soit plus estable je hi \47 met mon decret. 22 En tesmoignaige des qués choses dessus dites et devisees nous· la dite Renaude, messires Humbert, tuterres et avoier \48 du dit enfant Bauduins de Layer, et je memement li dit prevost avons fait saeler à nox prieres et à nostre requeste cestes presentes \49 letres du seal de la dite cour du contez de Burgogne du quel l'on use à Salins et du seal de l'enorable chapitre de l'iglise Saint Ana\50thoyle de Salins. 23 Et nous li dit chapitres es prieres et à-la requeste des devant diz· Renaude· mon segnour Humbert tutour et avoier \51 du dit enfant· Bauduin de Layer· et memement du dit prevost, avons mis en cestes presentes letres nostre seal pendant ensamble le se\52al de la devant dite cour· en tesmoignage de veritez. 24 Ce fust fait ou moys de join en l'an de l'encarnacion nostre segnour qui corroit per \53 mil doux cent octante doux.