Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu024

1265 n.st. (1264), février

Type de document: charte: vente

Objet: Huard d’Oigney vend un terrain arable au couvent d’Acey pour vingt sous estevenants et deux hémines de froment dont il se tient pour payé.

Auteur: non annoncé

Disposant: Huard d'Oigne dit de Baiart

Sceau: Guillaume prieur de Mosteret; Humbert curé de Vestruy

Bénéficiaire: abbaye d'Acey

Autres Acteurs: -

Rédacteur: AbbAcey!

Lieu de conservation: AD Jura 15H 322; fonds de l'abbaye Notre-Dame d'Acey

1 Saichent tuit cil qui verront et orront ces presantes lettres· 2 que Huurarz d'Oigne· diz de Baiart· par lou lous \2 et par l'essantement d'Amorgenat sa famme· et d'Estevenin son fil.· et de Houdoienat sa fille; ai vandu et outroiés \3 permaignaublemant à-l'abbé et au covant d'Acey; une piece de terre arable qui siet ou finaige d'Oigne· en Flesseni\4eres delez lou champ Laicherie ^[1] d'Oigne; por vint soz d'Estevenans.; 3 et does amines de fromant les quels il \5 ai receü dou dit abbé et dou dit covant d'Acey; et s'an tient por paiez en menoë nombrée et en fromant; 4 Et ont pro\6mis li diz Huurarz· et Amorgenaz sa-famme· et Estevenins ses filz· et Houdoienaz sa fille au dit abbé et au covant par \7 lor fois donees corporalmant a-porter leal garantie contre toz homes.· 5 Et ont renoncié en icest fait à totes graces \8 à totes indulgences· à toz privileges d'Apostoille ja empetrez ou à empetrer.· et à tote exception de droit ou de fait \9 qui en cest fait porroit lor ou es lor aidier; et à-la-dite vandue nuire ou empagier.· et especialmant au droit que \10 dit que generaus renonciacions ne valt· 6 En tesmoignaige de la quel chose; nos frere Guillaumes humiles priors \11 dou Mosterat de-su[s] Estrabo[r] [et] [je] Humberz cuiriez de Virruis par la requeste dou dit Huurar· et d'Amorgenat· sa famme \12 et d'Estevenin· et d'Oudoienat ses anfanz· avons mis nos seals en ces presantes letres· 7 qui furent faites l'an de-l'incarna\13cion nostre seignor Jesu Crist· qui corroit par mil· et CC· et sexante et ·III· ou mois de fevrier.·

Notes de transcription
^[1] ou l'Aicherie?.