Téléchargement du document

Documents linguistiques galloromans
Corpus : chartes du Jura (chJu)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chJu014

1260

Type de document: charte: donation

Objet: Jean confirme l’aumône qu’avait faite son père au couvent de Cîteaux (cf. chHS 11).

Auteur: Jean fils de Jean comte de Bourgogne et seigneur de Salins

Disposant: auteur

Sceau: auteur

Bénéficiaire: abbaye de Cîteaux

Autres Acteurs: père de l'auteur

Rédacteur: AbbCîteaux!-

Lieu de conservation: AD Jura 17Hps 85; fonds de l'abbaye Notre-Dame de Citeaux

1 Je Jehanz fiz à noble baron sire Jehan conte de Borgoigne et segnor de Salins 2 faix à savoir à touz ces qui ver\2runt ces presentes letres 3 que je conformoi et outroi la donation et l'a_mone que mes chiers peres sire Jehanz cu\3ens de Borgoigne et sires de Salins a faite et outroi por lu salut de s'ame et des ames à ses encessors et de ses hoirs \4 à l'abbé et au covent de Cistiaux.· 4 C'est à savoir quarante livrees de sel· que cil de Citiaux ou lor comendemanz· \5 recevrunt chasq'un an à touz jor mais an son poiz de Salins au mois de Pasques.· 5 Et quatre charges de gran \6 sel· le queles li devant dit· li abbes et li covanz ou lor comendemanz qui demorra en lor maison de Dole· \7 recevra chasq'un an à touz jor mais ou devant dit poiz de Salins la voille de Pasques· 6 por la-guarnison et la \8 soigne à ces qui demorrunt en la devant dite maison de Dole· et por ces de l'ordre qui i-gerunt alant et ve\9nant au chapistre generaul de Cistiaux.· 7 Ou tesmoignaige et en la confirmation de la que chose je Jehanz de\10sors dit ai fait saeler de mon sael ces presentes letres.· 8 Ce fu fait en l'an de l'incarnacion nostre seg\11nor Jhesu Crist· qui corroit por mil et dous· cenz· et soissante..·