Téléchargement du document

Documents linguistiques galloromans
Corpus : chartes de la Haute-Saône (chHS)
Responsable du corpus : Martin-D. Glessgen
Édition de la charte : Claire Muller (révision: D. Kihaï)

chHS117

1282 n. st. février

Type de document: charte: donation

Objet: [1s.] Renaud seigneur de Saint-Seine fait savoir [3s.] que, pour établir une messe annuelle en l’Église Notre-Dame de Theuley, [5s.] il lui donne trois hémines de froment à Saint-Seine. [8s.] Renaud promet également de faire battre le blé et de le livrer entièrement aux frères de Theuley. [10s.] Si jamais les tierces ne suffiraient pas pour payer les trois hémines de blé promises, Renaud et ses héritiers prendront leur propre blé à Saint-Seine. [12] Renaud promet de ne jamais enlever du blé de ses tierces avant que l’Église de Theuley ne soit payée. [13s.] Si jamais Renaud ou un de ses héritiers ne paye pas, Jean de Vergy, seigneur de Fouvent et sénéchal de Bourgogne, l’obligera à effectuer le paiement. [16s.] Jean seigneur de Fouvent promet de veiller au bon paiement de l’aumône.

Auteur: Renaut seigneur de Saint-Seine

Disposant: Renaut seigneur de Saint-Seine

Sceau: auteur; Jean de Vergy seigneur de Fouvent et sénéchal de Bourgogne

Bénéficiaire: église Notre-Dame de Theuley

Rédacteur: SSaintSeine? AbbTheuley? S? Senechal? Abb?

Lieu de conservation: AD Haute-Saône H 420 (hs024)

Commentaire: qua, ja, mui

1 ··· Je Renauz chevaliers sires de Seint Ceigne 2 faz à-savoir à touz ces qui verront et orront ces presantes lettres· 3 que je par \2 propre bone volunté ai estaubli et vuel estre estaubli parmenaublemant an l'aglise Nostre Dame de Thullei de l'ordre de Cyteaux, un \3 anniversaire por les armes de moi et de mes ancessours 4 por lou quel anniversaire meintenir faire et assenir chacun an à touz jors \4 mais lou luindi aprés les bordes 5 je ai assis et assié et doné et outroié quiteemant an perpetuitey à la dite aglise de Thulley et es freres an \5 ce lui servanz nostre segnor trois amenes de fromant sus toutes mes tierces de Seint Ceigne la Ville et de Seint Ceigne lou Recoir?, à panre \6 et à recevoir es devanz diz freres 6 chacun an à touz jors mais les dites trois amenes de fromant, sanz defaut an ma propre guaienange de Seint Ceigne \7 dou fromant des dites tierces de tout lou finaige de la vile et dou recor? de Seint Ceigne 7 les quex tierces je sui tenuz dou faire à recoilir \8 bien et leaumant sanz acune dimunition et celes tierces montre an ma dite gavange de Seint Ceigne.
8 Et aprés les doi faire batre et lou blef \9 faire recoilir, ne de se blef je ne doi panre, né faire apanre, né aliener par moi né par autrui an queque meniere que ce suit 9 jusque à ce que li \10 dit frere de Thulley soient paié chacun an anterinnemant des dites trois amenes de fromant 10 et sansinc estoit que ja n'aveigne que les dites tierces ne \11 puiesant anterinner lou paemant des dites trois amenes de fromant· 11 je et mui hoir qui aprés moi vanront sumes tenu de faire et de aconplir lou dit \12 paemant des trois amenes de fromant sanz defaut es diz freres de Thulley ou à lor commandemant an la dite guaienange de nostre prop[r]e guaienaige de \13 Seint Ceigne·
12 Et ast à-savoir que se les dites tierces estoient amonesenées par la volunté de moi ou de mes hoirs à aucons de nos homes ou à \14 autres· que je né mui hoir né li dit home quel qu'il soient· ne deviens né porriens panre ne faire apanre an queque meniere que ce suit dou blef \15 des dites tierces jusque tant que li dit frere de Thulley ou lor certeins conmandemanz sarient anterinnemant paié des dites trois amenes de fromant.· \16 13 Et se il avenoit par avanture que ja ne soit· que je ou mui hoir les quex je obligoi quant à ce defailessins de paier ou de faire paier les dites \17 trois amenes de fromant an tout ou an partie es devant diz freres ou à lor conmandemant· 14 je vuel et pri et requier à mon ame segnor et redouté \18 mon segnor Jehan de Vergé, segnor de Fonvenz et seneschant de Bergoigne et as ses hoirs qui aprés lui vanront de cui fié les dites tierces miovent \19 15 qu'il controignent moi et mes hoirs d'acumplir et d'anterinner lou dit paemant chacum an es diz freres ou à lor commandemant.
16 Se il avenoit que je \20 ou mui hoir an fussins trové an defaut dou tout ou de partie aprés ce que je ou mui hoir an auriens este requis des diz freres ou de lor con\21mandemant 17 et je li diz Jehanz, sires de Fonvenz faz savoir à touz 18 qua je et mui hoir devons et sumes, par la volunté et la-priere dou dit Renaut \22 segnor de Seint Cegne, tenu es diz freres de Thullé faire paier les dites trois amenes de fromant chacun an et de controigre à la requeste des diz \23 freres lou devant dit Renaut et touz ses hoirs à ce que li dit frere soient paie chacun an anterinnemant des dites trois amenes de fromant \24 sanz nul defaut.·
19 Et toutes ces choses desus dites je, li diz Renauz promot et ai promis par mon sairemant fait et doné corporemant sus Seinte Annan\25gale por moi et por mes hoirs tenir et formemant guarder à touz jors mais et que je n'an irai ancontre ne consantir qu'autres hiaut, né an \26 repost, né en apiert, mas obligoi moi et mes hoirs par mon dit sairement de toutes ces choses desus dites porter leaul garantie et diz freres de Thullé \27 se ansinc estoit que aucons an anlier an contre en aucon tans qe je ne soit.·
20 An-tesmoignage de la quel chose por ce que ce soit ferme chose et astauble \28 à touz jors mais, je ai mis mon sael en ces presantes lettres· 21 et plus grant seurté des devant diz freres, je ai prié et requis à mon redouté \29 segnor, mon segnor Jehan segnor de Fonvenz, ja dit que il mete son grant sael an ces presantes lettres et je Jehanz, sires de Fonvenz desus diz \30 22 à la priere et à la requeste et par la volunte de mon segnor Renaut, segnor de Seint Ceigne de sus dit ai mis mon sael en ces presantes lettres \31 an tesmoignage de verité.·
23 Ce fuit fait an l'an que li miliaires corroit par mil et dus cenz et quatre vinz et un ou mois \32 de favrier.·