Téléchargement du document

Documents linguistiques galloromans
Corpus : DocFrib (chFrib)
Responsable du corpus : Lorraine Fuhrer
Édition de la charte : Lorraine Fuhrer

docFrib064

1458, 15 mai

Type de document: charte: institution

Objet: Jacques Cudrefin est nommé nouveau secrétaire de la ville par l’avoyer, le conseil et la commune en raison des bons services qu’il a rendus à la ville. Pour cet office, il recevra 60 florins par année de la part du trésorier de la ville.

Auteur: L’avoyer, le conseil et la commune de Fribourg

Sceau: Ville de Fribourg, non conservé; seing manuel de Pierre Faucon

Bénéficiaire: Jacques Cudrefin

Autres Acteurs: Peterman Cudrefin

Rédacteur: Chancellerie de la ville de Fribourg

Support: Original sur parchemin aplati, jadis scellé sur double queue

Lieu de conservation: Archives de l’État de Fribourg, Affaires de la ville A 252

1 Nos ^[1] l’avoyé, consel et communeté de Fribourg en l’eveschié de Lausanne, au son de la cloche \2 ensemble convoqués comme est de coustume, 2 fesons savoir à tous 3 et recognoissons par ces presentes 4 \3 que, considerant la prudente legalité et bonne souffisance qu’est en la personne de homme discret \4 Jaques Cudriffin, fil de Peterman Cudriffin, jadix nostre borgeoy et secretaire, auxi les bons ser\5vices que tant luy comment ^[2] ses predecesseurs du temps passé hont fait à nos et la dicte ville \6 et ceulx les-quelx le-dit Jaques au temps advenir faire peult, mehus auxi par certains aultres \7 bons respetz et regars, sachans et bien advisez de nostre communal consentement et accort, 5 cel\8luy Jaques Cudriffin nous avons recehu et retenus, recevons et retenons per nostre secretaire \9 et de la-dicte ville ly donant et liberalment conferissent l’office de la-dicte secreterie et en celluy \10 le instituissent pour le devoir et pouvoir avoir, tenir et excercir tout le temps de sa vie paysi\11blement avecques tous les dignités, drois, emolumens, usages et joances au-dit office appertenent \12 et les-quelles du temps passé acustumeement ly ont appertenus. 6 Et ausi par telle expresse por\13parlee condition que le-dit Jaques, le-dit office comment dit est, sera attenuz et devra excercir loyal\14ment, bien et diligemment et estre porveu des choses correquerues au-dit office per magniere \15 que nos ne la-dicte ville n’en ayons aulcon deffault. 7 Auxi en celluy office et aultres choses \16 licites et raisonables concernent la-dicte ville devra faire et servir nos et la dicte ville en mag\17niere qu’il soit nostre honneur et profit et le sien. 8 Et affin que le-dit Jaques soit tant plus en\18clins d’ensuigre et attenir les choses dessus-dictes, nos ly avons donné, deputé et constitué, donnons, \19 deputons et constituons, per nom de son salaire et perpetuelle pension aveques les drois, emo\20lumens, usages et joances sus-dictes, sexante florins de Rin de bon or et loyal poix annuelmant \21 à payer et expedir par nostre borsier qui sera por le temps à chescune dé temperes de l’annee la \22 quarte part tant duys qui sera en vie, sains ou malade. 9 Ensi à entendre que s’il advenoit le-dit \23 Jaques non povoir excercir le-dit office per non puissance de cors ou debilité de sens ou que \24 le-dit Jaques se mesprint, que Dieu ne vueillie, tellement qu’il noz fallist porvoir d’aultre secre\25taire, la-quelle chose noz reservons lors de pouvoir faire à la indication de nostre conseil et non \26 aultrement, ce non moins que la-dite pension li soit payee et expedie sans contredit durant \27 sa vie comment devant, se tant non que le excesses fut tel par le-quel il deust estre privé de \28 la-dicte pension, toutes-foys tousjours à la indication et coignoissance de nostre-dit conseil et \29 non aultrement. 10 Et ensi les choses sus-dites toutes nos ly promettons d’attenir et observer \30 bien et feablement par nostre bonne foy donnee en lieu de solennelz seremens auxi obliga\31tion de tous les biens de la-dicte ville tout fraux et mal engin es choses sus-dictes cessant de tout \32 en tot et seclus. 11 Et en veray tesmoing et fermeté d'iceulx, nos avons fait pendre le propre \33 seel de nostre communité en ces presentes et fait seignié du seigniet manuel de Pierre Faulcon \34 nostre clerc juré. 12 Donnees le quinzieme jour de may, l’an mil quatrecens cinquante et huyt.
13 \35 P. Faulcon

Notes de transcription
^[1] Nosest écrit avec une plume plus grasse.
^[2] commentest surmonté d'un tilde, bien que le scribe ait écrit deux m.