Téléchargement du document

Documents linguistiques galloromans
Corpus : chNCh (chNCh)
Responsable du corpus : NN
Édition de la charte : Bernadette Gavillet.

chNCh072

1317, 15 août.

Type de document: charte: prorogation

Objet: Prorogation jusqu’à Pâques par Louis [II] de Savoie de la trêve entre Hugues [I] de Chalon-Arlay et Pierre [II] de Grandson faisant suite à la prorogation qu’Amédée [V] de Savoie et Louis [II] de Savoie ont prononcée pour la trêve entre Pierre [II] de Grandson d’une part et Rodolphe [IV] de Neuchâtel et Jean de Champvent d’autre part.

Auteur: Louis [II] de Savoie.

Sceau: sceau de Louis [II] de Savoie.

Bénéficiaire: Hugues [I] de Chalon-Arlay et Pierre [II] de Grandson.

Autres Acteurs: Amédée [V] de Savoie, Rodolphe [IV] de Neuchâtel et Jean de Champvent.

Support: Parchemin scellé sur simple queue.

Lieu de conservation: AEN, A1 n° 3.

Édition antérieure: Publication par G.-A. Matile, Monuments…, n° CCCLI, p. 334-335.

1 Nous, Lois de Savoye, seignour de Waut, 2 fesons savoyr a touz 3 que, comme nostre tres-chier frere, monseignour Hugue de Chalon, seignour d-Arlay, ayt promis et \2 doney ses lettres de son seel pendant, seelees a nostre requeste, que il non offendra a monseignour Pierres de Gransson, seignour de Biaumont, nostre frere, \3 ne aus syens, tanqu-a la Saint Michiel prochaynement venant, et encores nous ayt doney playn povoir d-esloignier le dit terme en tant \4 que a la feste de Pasques prochaynement venant, per ensi que es dites lettres se contient, 4 nous, dou povoyr qu-il nous a doney, le dit terme de la Saint \5 Michiel aloignons per ces presentes lettres tanque a la dite Pasques, 5 en tele manere que per le dit monseignour Hugue ne per les siens ne per ses aydanz \6 ne puyssent ne ne doyent offendre au dit nostre frere, monseignour Pierres, ne aus syens ne a ses aydanz en tant que a la dite feste de \7 Pasques. 6 La quele prorogation et aloignement nous fesons especialment por ce que nostre chier oncle et sires, monseignour Amey, conte de Savoye, \8 et nous, avons aloignyé, per le povoir qui nous est doney, la trieve qui est entre le dit monseignour Pierres d-une part et nostre chier \9 frere, monseignour Raoul, conte et seignour de Nuefchastel ^[1], et Jehan de Chanvent d-autre part tanque au moys de Pasques. 7 Et nous, \10 avant dit Lois de Savoye, en la meisme manere qu-il est contenu en ceste lettre, prometons au dit monseignour Hugue de Chalon et aus \11 syens que li dit monseignour Pierres de Granson non offendra per li ne per les syens au dit monseignour Hugue ne aus syens durant \12 le terme dessus dit, tanque a la feste de Pasques prochaynement venant. 8 Donné a Evyanz, souz nostre seel, 9 le jour de l-Assumption \13 Nostre Dame, l-an de grace mil troys cenz et dis-e-sept.

Notes de transcription
^[1] Ainsicoupé:Nuef Chastel.