Téléchargement du document

Documents linguistiques galloromans
Corpus : chartes de la Marne (chMa)
Responsable du corpus : Martin-D. Glessgen
Édition de la charte : D. Kihaï

ChMa052

1251, 7 décembre

Type de document: charte: notification de vente

Objet: [1] Jean seigneur de Dampierre et de Saint-Dizier [2] notifie [3] que Colars de Perrone et sa femme Agnès, dame de Roz, [4] ont vendu à l'abbaye Notre-Dame de Haute-Fontaine deus pièces de terres arables [5] mesurant environ 7 journées de terre, [7] contre 21 livres de Provins.

Auteur: Jean seigneur de Dampierre et de Saint-Dizier

Disposant: auteur

Sceau: auteur

Bénéficiaire: abbaye Notre-Dame de Haute-Fontaine

Autres Acteurs: Colars de Perrone et sa femme Agnès, dame de Roz

Rédacteur: chancellerie de Jean seigneur de Dampierre et de Saint-Dizier; scriptorium de l'abbaye de Haute-Fontaine

Support: parchemin jadis scellé plutôt sur double queue; 275x120

Lieu de conservation: AD Marne 18H 17, n^o 1 - Abbaye Notre-Dame de Haute-Fontaine

1 · Je Jehans sirez de Danpierre et de Saint Disier 2 faz savoir à· touz cials qui ces lettres verront 3 que Colarz de Perron\2ne et ma dame Agnez, dame de Roz, sa fame, unt requenu par devant moi 4 que il unt vendu à l'abé et au-covant \3 de Haute Fontaine deuz pieces de terre arables franches et quitez, 5 les queuz deuz piecez sunt au .VII· jornels de \4 ^[1] terre, 6 et sunt quitez de terrage et de toutez autrez coutumes fors que de droit deime, 7 par le preis de .XXI· lb· \5 de provinisiens fors de quels .XXI· lb· il se tiennent· à paiez. 8 Et li unne de piecez de la terre desore dite siet antre la \6 viez ecluse de la desore dite abaïe et Marne.· 9 Et li autre piece siet antre la novelle ecluse de la desore dite abaïe et \7 le faucez? d'Anbrierez.· 10 Et ce vendage de la terre devant dite unt loé Richiers,· Estevenins· et Oudinés· li afant la devant \8 dite dame Agnez de Roz.· 11 Et unt creanté par devant moi ci troi afant qu'il porteront bone garentie et loial à l'abé et \9 au covant de Haute Fontaine de celle devant dite terre vers toutes gent.· 12 Et je Jehans sire de Danpierre et de Saint Disier \10 de cui ceste terre meut, ce il ne le faisoient, je lor feroie faire.·
13 Et pour la seuiremant de ces chosez ai je fait mon \11 seel mettre an ces lettres par la requette le devant dit Colart et la devant dite Angnez sa fame, dame de Roz,· \12 et les trois afant desore nommés.· 14 Ce fu fait an l'an de l'incarnation Jhesu-Crist ·M· et ·CC· et cinquante· I,· londemain \13 de la Saint Nicholais en niver.·

Notes de transcription
^[1] Ms.: dedeux fois.