Téléchargement du document

Documents linguistiques galloromans
Corpus : (chOise)
Responsable du corpus : -
Édition de la charte : -

ChOise125

1275, novembre

Type de document: charte: vente

Objet: Vente par Raoul de Warmaise, chevalier, et Jean de Demuin, écuyer, et leurs femmes, Marie et Marguerite, à Jean de Laboissière, chanoine de Noyon, de trente journaux de terre et de tous les cens et rentes qu’elles avaient par succession de leur frère Pierre, à Y, à l’exception des cens du fief, — moyennant le prix de cent quarante-huit livres quatre sous parisis.

Auteur: auteurs conjoints: Raoul de Warmaise chevalier et sa femme, Marie; Jean de Demuin écuyer et sa femme, Marguerite

Disposant: auteur###??

Sceau: jadis scellé de deux sceaux pendant chacun sur double queue de parchemin; seul subsiste le sceau de droite, de #############

Bénéficiaire: Jean de Laboissière chanoine de Noyon

Rédacteur: ##

Scribe: ######

Support: Parchemin (ca. 325x275, repli: 25)##Diese Zahlen stimmen!!##

Lieu de conservation: AD Oise G1450, DS765; Chapitre cathédral de Noyon, dossier Y

1 … Nous Raous de Warmaises , chevaliers , et me dame Marie , me fame , Jehans de Demuin et demisele Marguerite , me feme , 2 faisons savoir \2 a tous que nous avons vendu a tous jours yretaulement a Jehan de le Boyssiere , canoine de Noion , bien et loiaument et par droit pris , \3 3 ch’est a savoir pour set vins et wit livres et quatre sous de paresis , des quex deniers nous nos tenons a paiés tout plainnement en bone monnoie \4 contee , trente journex de tere , peu plus ou peu mains , au jornel et a le vergue de le vile de Y , 4 et tous les chens et les rentes que nous avions \5 eu teroir et en le vile de Y , esseuté les chens deu fief , le quele tere est assise eu teroir de Y en divers lius , 5 ch’est assavoir : dis jornex et \6 trente trois vergues et demie au vauchel de le voie que on va de Mateni a Y , et un jornel et chiunc vergues d’autre part le voie en che \7 meisme vauchel , 6 et trois jornex et set vergues a le voie de Escanli , et un jornel a chele meisme voie d’Escanli , et quatre jornex et seze vergues \8 au val d’Erchuel , 7 et deus jornex deus vergues et demie mains au bus Raoul le Maieur , et deus jornex et demi trois vergues et demie mains \9 au Pelerin , et un jornel et une vergue en Peterel Markais , 8 et chiunc quartiers et demi au bus Jehan Estournel , et vint et wit vergues et \10 demie au Prier , et un journel une vergue mains as ruates desous Crois , et un journel as ruates as Monchiax , 9 et un jornel wit \11 vergues mains a l’ourme qui est entre Crois et Mateni . 10 Et est assavoir que nous avons vendu au devant dit Jehan le tere , les chens et \12 les rentes devant dites cuites et delivres de toutes choses , sauves les droitures as segneurs , a tenir de chelui Jehan et de ses oirs \13 et de ses successeurs cuitement et en pais . 11 Et prametons par les fois de nos cors que nos n’irons encontre che vendage devant dit , \14 ne ne querrons des ore en avant art ne engien par coi chix Jehans ne si oir ne si successeur en soient grevé ne par nous ne par \15 autrui , ne trait en court laie ne en court de Sainte Eglise , 12 ains li prametons par les fois de nos cors a warandir bien et loiaument , \16 as us et as coustumes deu païs , envers tous chiax qui encontre en iroient et qui a droit et a loi en vourroient venir . 13 Et a toutes ches \17 choses devant dites tenir et aemplir fermement au devant dit Jehan et a ses successeurs obligons nous , nous et nos oirs . 14 Et est \18 assavoir que je Raous , chevaliers , et je Jehans , escuiers , devant dit , loons et approuvons che vendage devant dit et avons donné plain \19 pooir et autorité de nostre assentement a nos femes devant noumees de vendre et de otrier au devant dit Jehan , canoine , le \20 tere et les chens devant noumés , le quele tere estoit deu propre yretage as devant dites femes , par le raison de l’eskeanche maistre \21 Perron , leur frere . 15 Et pour che que toutes ches choses devant dites soient tenues fermes et estaules a tous jours , a le requeste \22 de nos femes devant dites , 16 nous avons ches letres seelés de nos propres seyax , pour nous et pour nos femes devant dites , et baillies \23 au devant dit canoine . 17 Che fu fait en l’an de grace mil deus chens soissante quinze , eu mois de novembre .