Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe202

23 juin 1267

Type de document: charte: bestens

Objet: [1s.] Accord devant arbitres suite à une querelle entre l'abbaye de Saint-Benoît-en-Woëvre et Dame Gilles et ses enfants, enfants de Simonin de Vittonville, au sujet des bois de Bouzonville. [5] Les bois sont répartis. Dame Gilles et ses enfants en reçoivent une partie située près de Bure. [6s.] Les deux parties s'accordent. [8] L'évêque de Metz se porte garant de cette paix.

Auteur: Guillaume évêque de Metz

Disposant: abbaye de Saint-Benoît-en-Woëvre et Dame Gilles et ses enfants

Sceau: sceau de Guillaume évêque de Metz

Bénéficiaire: abbaye de Saint-Benoît-en-Woëvre

Autres Acteurs: Nicolet prêtre de Jarny, Chevalier Jacques de Marre (= arbitres), Robin et Androuin frères de Garion et Counins fils de Simonin de Vittonville

Rédacteur: scriptorium de l'abbaye de Saint-Benoît-en-Woëvre

Support: parchemin jadis scellé sur double queue

Lieu de conservation: ADMeuse 19H6(29), Abbaye de Saint-Benoît-en-Woëvre, Cisterciens

1 · Nos Guillaumes, par la grace de Deu esveques de Mez, 2 faisons cognissant à tous 3 que, com \2 li abbes et li covens de Seint Benoit en Weivre, de l'ordre de Citiaus, eussent bestens encon\3tre ma dame Gille et ses enfans, qui sunt de Symonin de Witonville,· 4 c'est asavoir des boix \4 de Bousonville,· il s'en sunt escordei parmi le segnor Nichole prestre de Jarney· et le segnor \5 Jaque de Mart chevalier,· 5 en teil maniere que li boix sunt parti,· et la partie ma \6 dame Gille et ses enfans devant-dis gist deleis la partie le segnor Jaque devant-dit par \7 devers Purs,· et desor la partie le segnor Jaque par devers Villers n'ont il rien.· 6 Et \8 cete pais ont creantei à tenir les dous parties par devant nos,· et ont estei mix fors de \9 manbernie par devant nos, par droit et par jugement, li enfant devant-dit, c'est à savoir \10 Warrions et Counins.· 7 Et aprés ont creantei à tenir ces choses par devant nos,· par le consel \11 de lor amins, si com le segnor Jaque lor oncle devant-dit· et Robins et Androuyn lor frerres. \12 8 Et ces choses devons nos faire tenir com sires.· 9 Et en teimognage de toutes ces choses \13 avons nos saelei ces presentes letres de nostre sael par la requeste des parties devant-dites, \14 10 qui furent faites la vigile de feste seint Jehan Baptiste,· quant li milliares corroit \15 par· mil· dous cens et sexante et set ans.